Biuro ekanamičnaj biaśpieki Ukrainy (BEB) nakłała aryšt na rasijskija i biełaruskija aktyvy na ahulnuju sumu zvyš 30 młrd hryŭniaŭ. Pra heta napiaredadni paviedamiła pres-słužba viedamstva.
Pa słovach dyrektara biuro Vadzima Mielnika, havorka idzie pra 100% karparatyŭnych pravoŭ i aktyvaŭ horna-abahačalnaha kambinata, jaki ažyćciaŭlaŭ zdabyču syraviny, što ŭtrymlivaje tytan, 17 800 vahonaŭ prykładnym koštam kala 15 młrd hryŭniaŭ, ź ich 1625 vahonaŭ z tavarna-materyjalnymi kaštoŭnaściami koštam kala 3 młrd hryŭniaŭ, i śpiectechniki na 2,2 młrd hryŭniaŭ, a taksama aktyvy adnoj ź finansavych ustanoŭ u sumie zvyš 12,4 młrd hryŭniaŭ.
«U pieršuju čarhu, hetyja aktyvy nie pavinny pracavać na krainu-ahresara. Pa-druhoje, jany pavinny naležać Ukrainie i prynosić karyść našaj dziaržavie», — skazaŭ Mielnik u efiry «Usieŭkrainskaha telemarafona».
Jon dadaŭ, što vahony pavinny ažyćciaŭlać pieravozki pa ŭkrainskaj čyhuncy, tavarna-materyjalnyja kaštoŭnaści buduć vykarystoŭvacca dla adnaŭleńnia razburanych nasielenych punktaŭ, srodki i aŭtamabili — pieradavacca na patreby USU.
