Valeryj Załužny
Pa słovach hienierała Załužnaha, paśla 2014 hoda ŭkrainskaje kamandavańnie razumieła: «rana ci pozna pačniecca poŭnamaštabnaja ahresija, i my rychtavalisia da jaje».
«My vyrazna razumieli, što pieršy miesiac budzie pavarotnym momantam, — skazaŭ hałoŭnakamandujučy USU. — Nam udałosia adabrać u voraha stratehičnuju inicyjatyvu, nanieści jamu krytyčnyja straty, prymusić admovicca ad hałoŭnaj mety — zachapić Kijeŭ».
Pavodle jaho słoŭ, siońnia USU nie prosta abaraniajucca: «U nas byŭ šerah paśpiachovych kontrnastupleńniaŭ. Atrymałasia razbłakavać Charkaŭ i Mikałajeŭ».
Abaroncy Maryupala, raskazaŭ jon, svaimi dziejańniami strymlivali vialikuju kolkaść rasijskich vojskaŭ, što dało USU čas i mahčymaści ŭładkavać abarončyja rubiažy na inšych kirunkach.
Pa słovach Załužnaha, akramia źniščeńnia krejsiera «Maskva» ukrainskim vojskam udałosia paškodzić jašče try karabli, jakija składali bazu Čarnamorskaha fłotu. Ale, niahledziačy na heta, «rasijanie praciahvajuć rakietnyja abstreły vysokaj intensiŭnaści, u siarednim 10—14 balistyčnych i kryłatych rakiet u sutki».
«Heta pahroza nie tolki Ukrainie, ale i krainam NATA. Bo kožnaja takaja rakieta niasie 400—600 kh traciłu, — adznačyŭ Załužny. — Tamu važna ŭzmacnić supraćrakietnuju abaronu».
