Cichanoŭskaja adznačaje:
«U minułym hodzie režym vykarystoŭvaŭ mihracyjny kryzis — a ciapier hetak ža vykarystoŭvaje ŭ svaich metach i charčovy kryzis.
Łukašenka stvaraje falšyvyja dylemy: ci hoład, ci pravy čałavieka — i prapanuje Zachadu vybirać. Takaja damova ź im — škodnaja i amaralnaja. Prykryvajučysia turbotami pra hoład u śviecie, jon sprabuje syści ad adkaznaści za teror i saŭdzieł u vajnie.
Davajcie nie zabyvacca, za što ŭvodzilisia sankcyi suprać biełaruskaha kaliju:
za represii suprać pracoŭnych i hramadzianskaj supolnaści, vykarystańnie mihrantaŭ u jakaści bijałahičnaj zbroi, zachop samalota, dapamohu Pucinu ŭ vajnie.
Kalij — krytyčna važny resurs dla vyžyvańnia režymu. Heta lohkija hrošy, jakija iduć nie na karyść biełarusam — a suprać ich, traciacca na ŭtrymańnie armii siłavikoŭ, śpiecsłužbaŭ, vajennaj infrastruktury i viadzieńnie vajny.
Tamu viarnuć režymu mahčymaść zarablać na kalijnych uhnajeńniach — heta dać jamu hrošy na źniščeńnie biełarusaŭ i ŭkraincaŭ.
A kali my sapraŭdy chočam supraćstajać vajnie i pahrozam charčovaj biaśpiecy, my pavinny likvidavać ich krynicy: dyktatarskija režymy i ŭsie sistemy, jakija zamachnulisia na hałoŭnuju kaštoŭnaść u śviecie — žyćcio čałavieka».
