Staražytny Połack stajaŭ na adhalinavańni znakamitaha šlachu «z varahaŭ u hreki». Paźniej horad staŭ portam dźvinskaha handlu, tut raźmiaščałasia faktoryja Hanziejskaha sajuza. Jak viadoma ź piśmovych krynic CHIII stahodździa, arhanizacyja handlu ŭ Połacku hruntavałasia na bolš rańniaj tradycyi. Pałačanie ekspartavali pušninu, vosk, zbožža, miod, draŭninu. Asartymient rečaŭ, što pastupali ŭ Połack ź inšych krain, dobra adlustroŭvaje archieałahičny materyjał.
Na vystavie ŭ Safijskim sabory pradstaŭlenyja prykłady tavaraŭ ekspartu (pušnina, zbožža, miod i inš.), impartnyja tavary X—XIII st-st.: syravina (mietaličnyja źlitki, šyfier, burštyn), kieramičny i šklany posud, upryhožvańni, samšytavyja hrabiani i inš.; impartnyja tavary XIII—XVIII stst.: «rejnski kamienny tavar» i inšaja kieramika, hałandskija lulki, śvincovyja tekstylnyja płomby.
