«Raźviazanaja Pucinym ahresiŭnaja vajna z Ukrainaj, a faktyčna z usim zachodnim śvietam, — nie tolki złačynstva suprać ukrainskaha naroda, ale i, mabyć, samaje ciažkaje złačynstva suprać naroda Rasii», — havorycca ŭ paviedamleńni, apublikavanym na staroncy Barysa Bondarava ŭ Fejsbuku.
«Tyja, chto zadumaŭ hetuju vajnu, chočuć tolki adnaho — zastacca va ŭładzie nazaŭždy, žyć u pampieznych biezhustoŭnych pałacach, płavać na jachtach, pa tanažy i košcie paraŭnalnych z usim vajenna-marskim fłotam Rasii, atrymlivajučy asałodu ad nieabmiežavanaj ułady i poŭnaj biespakaranaści. Dziela hetaha jany hatovyja prynieści ŭ achviaru mnostva žyćciaŭ», — skazana dalej.
Aŭtar paviedamleńnia dadaŭ, što ministr Łaŭroŭ — «dobraja ilustracyja dehradacyi hetaj sistemy»: «Za 18 hadoŭ jon prajšoŭ šlach ad prafiesijanała i adukavanaha intelektuała… da čałavieka, jaki pahražaje śvietu (heta značyć i Rasii taksama) jadziernaj zbrojaj!»
«Siońnia MZS nie zajmajecca dypłamatyjaj. Jon sieje niapraŭdu, raspalvaje nianaviść i vajnu», — ličyć aŭtar dopisu. Praciah pracy na dziaržsłužbie i padtrymku «pahibielnaha palityčnaha kursu» jon nazvaŭ zdradaj Rasii.
Aficyjnaha paćviardžeńnia ab zvalnieńni Bondarava pakul niama.
