Dadon i Łukašenka ŭ mai 2021 hoda ŭ Biełarusi. Fota Puł pieršaha
U Kišyniovie ŭ domie eks-prezidenta, hanarovaha staršyni Partyi sacyjalistaŭ Ihara Dadona prajšli vobšuki. Pieratrusy pravodziać u ramkach spravy ab pasiŭnaj karupcyi, niezakonnym uzbahačeńni, zdradzie Radzimy i finansavańni palityčnaj partyi złačynnaj arhanizacyjaj, paviedamlaje Newsmaker.md.
Dadon zatrymany na 72 hadziny.
Pieratrusy pravodzić antykarupcyjnaja prakuratura sumiesna z Nacyjanalnym centram baraćby z karupcyjaj i Słužbaj infarmacyi i biaśpieki.
Pieratrusy pravodziać i ŭ inšych miescach, u nieruchomaści, jakaja naležyć Dadonu praz pasiarednikaŭ.
Raniej Dadonu taksama pradjaŭlalisia padazreńni pa kryminalnaj spravie ab kradziažach u kampanii Energocom.
Ihar Dadon byŭ prezidentam Małdovy ŭ 2016-2020 hadach. Pierad svaim pieršym vizitam u Biełaruś jon daŭ intervju, u jakim zachaplaŭsia Alaksandram Łukašenkam i abiacaŭ pierabudavać Małdovu pa ŭzory Biełarusi. U 2020-m jon prajhraŭ vybary prajeŭrapiejskamu palityku Mai Sandu.
