«U adkaz na pryniataje ŭ sakaviku ŭradam Vialikabrytanii rašeńnie ab uniasieńni ŭ sankcyjny śpis amal usiaho składu Savieta Fiederacyi Fiederalnaha Schodu RF na asnovie ŭzajemnaści ŭvodziacca piersanalnyja abmiežavańni ŭ dačynieńni da 154 členaŭ Pałaty łordaŭ brytanskaha parłamienta», — havorycca ŭ paviedamleńni, apublikavanym u aŭtorak na sajcie rasijskaha zamiežnapalityčnaha viedamstva.
U Pałacie łordaŭ naličvajucca 774 členy.
U rasijskim MZS zajavili, što hetyja 154 čałavieki «ŭnieśli niepasredny ŭkład u vypracoŭku antyrasijskich sankcyjnych zachadaŭ Łondana, nakiravanych na stvareńnie ŭmoŭ dla palityčnaj izalacyi Rasii i razbureńnie jaje ekanomiki, vykarystoŭvali svoj aŭtarytet dla nahniatańnia antyrasijskaj isteryi ŭ Vialikabrytanii, paturali rusafobskamu palityčnamu kursu ŭrada brytanskich kansiervataraŭ».
Razam z tym, Ministerstva abiacała praciahnuć składańnie śpisaŭ, jakija imitujuć zachodnija piersanalnyja sankcyi.