Łahatyp inicyjatyvy. Fota: oneukraine.com
Arhanizacyja budzie dastaŭlać humanitarnuju dapamohu i imknucca adnavić infrastrukturu Ukrainy z dapamohaj drobnaha i siaredniaha biźniesu i startapaŭ na miescach. Mnohija z členaŭ-zasnavalnikaŭ arhanizacyi pachodziać z Ukrainy ci majuć siamiejnyja suviazi z krainaj, tamu arhanizacyja spadziajecca znajści pramy dostup da miascovych sietak i zaŭždy mieć praŭdzivyja źviestki pra patreby krainy.
U arhanizacyi kažuć, što jany paśpieli evakujavać bolš za piać z pałovaj tysiač čałaviek, u asnoŭnym žančyn i dziaciej, i ŭžo dastavili dapamohi na sumu bolš za 4 miljony jeŭra. Jany taksama pabudavali ŭkrainskuju škołu ŭ Litvie, kab zabiaśpiečyć adukacyju dla biežancaŭ.
Marcin Rejter, hienieralny dyrektar i suzasnavalnik OneUkraine, kaža: «Mnohija z našych zasnavalnikaŭ naradzilisia i vyraśli va Ukrainie, tamu my ličym siabie abaviazanymi dapamahać našym siabram, siemjam i kaleham. U žyćci my viadomyja jak lidary abo zasnavalniki technałahičnych startapaŭ. I ciapier my razam robim toje, što ŭ nas atrymlivajecca lepš za ŭsio: pracujem sprytna i efiektyŭna na ŭsich uzroŭniach i chutka znachodzim patrebnuju narodu Ukrainy dapamohu».
OneUkraine stvoranaja jak doŭhaterminovaja inicyjatyva i patrabuje fundatarstva. Vydatki na apieracyjnuju kamandu buduć całkam finansavacca za košt asabistych srodkaŭ zasnavalnikaŭ, ale OneUkraine zaprašaje donaraŭ i inšych partnioraŭ dapamahčy finansavać prajekty i efiektyŭna padtrymlivać Ukrainu. Płatforma zarehistravanaja ŭ Hiermanii.
