«Miascovaje nasielnictva, ź jakim ja maju znosiny, kaža, što vialikaj prysutnaści ich [rasijskich vajskoŭcaŭ] nie bačyć. Jość peŭnyja hrupy ŭ kolkaści pa piać čałaviek», — zajaviŭ kiraŭnik Śvietładarskaj vajennaj administracyi Siarhiej Hoška.
Z adychodam sa Śvietładarska ŭkraincy stracili tak zvanuju «Śvietładarskuju duhu». Miarkujučy pa ŭsim, vajskoŭcy byli vymušanyja adyści, kab paźbiehnuć akružeńnia i nie patrapić u «kacioł», jaki pačaŭ farmiravacca ŭ hetym rajonie ŭ apošnija dni.
«My nie trymajemsia za kankretnyja nasielenyja punkty, a imkniemsia nanosić vorahu maksimalnyja straty z zachavańniem našych siłaŭ.
Heta aznačaje, što časam davodzicca adstupać ad miežaŭ, jakija nie nosiać stratehičny charaktar, kab paźbiehnuć akružeńnia abo značnych strataŭ.
Tamu nijakaj «zdrady» ŭ hetym niama», — patłumačyŭ žurnalistam daradca ministra ŭnutranych spraŭ Ukrainy Viktar Andrusiŭ.
