Sabrali infarmacyju pra piaciarych mužčyn, uklučanych u śpis 20 maja.

Daniła Žaryn

Fota: sacsietki

Fota: sacsietki

Chłopcu 28 hadoŭ, jon rodam z Mahilova. Pracavaŭ spačatku ŭ kramie «Biełmarkiet», a paśla na pradpryjemstvie «Mahateks», jakoje vyrablaje tkaninu i śpiecadzieńnie.

Zhodna z materyjałami śledstva, 10 červienia 2021 hoda ŭ pieryjad z 3:20 da 3:35 chłopiec kinuŭ butelku z zapalnaj sumieśsiu ŭ budynak mahiloŭskaha instytuta MUS. U vyniku zaharelisia dźviery budynka i ich daviałosia zamianić.

Jaho zatrymali praz paru dzion. Padčas pieratrusu ŭ jaho kvatery znajšli haručuju vadkaść, ryźzio, maski i vopratku, z dapamohaj jakich małady čałaviek ździejśniŭ złačynstva.

Chłopca asudzili 3 śniežnia 2021 hoda pa artykułach 289 i 130 KK (akt teraryzmu i raspalvańnie varožaści). Jaho pryznali psichična nieadekvatnym i zamiest turmy prysudzili pakarańnie ŭ vyhladzie prymusovaha lačeńnia ŭ stacyjanary. Dalejšy jahony los nieviadomy.

Da hetaha jon užo byŭ sudzimy pa artykule 339 KK (chulihanstva) u 2019 hodzie.

Ihar Kazłoŭ

Fota: sacsietki

Fota: sacsietki

Mužčynu 46 hadoŭ. Rodam jon z Babrujska. Pracavaŭ zvyčajnym rabočym: frezieroŭščykam i naładčykam. Apošniaje viadomaje nam miesca jaho pracy — Babrujski zavod traktarnych detalaŭ i ahrehataŭ.

Ihar žanaty. Taksama mieŭ sudzimaść za bojku jašče ŭ 2008 hodzie.

Nieviadoma, u čym sens jahonaj spravy, ale babrujčanina abvinavačvajuć pa artykułach 289 i 290 KK (akt teraryzmu i pahroza aktam teraryzmu). Takim čynam, jamu pahražaje da 15 hadoŭ turmy.

Vital Minkievič

Fota: sacsietki

Fota: sacsietki

Chłopcu 28 hod i jon taksama naradziŭsia ŭ Babrujsku. Uvieś čas jon pracavaŭ na vytvorčaści abutku, na roznych pradpryjemstvach.

4 kastryčnika 2020 hoda Vitala asudzili na sutki za ŭdzieł u adnym z maršaŭ.

Ciapier jamu, jak i Kazłovu, inkryminavanyja artykuły 289 i 290 KK.

Kanstancin Jermałovič

Fota: sacsietki

Fota: sacsietki

Hetamu žycharu Babrujska 31 hod. Naradziŭsia ŭ Litvie. Kolki hod tamu ŭ Kanstancina było IP, jakoje mieła licenziju na pakaz kinafilmaŭ.

Detali spravy nieviadomyja. Jamu, jak i dvum papiarednim viaźniam, inkryminavanyja artykuły 289 i 290 KK.

Andrej Padniabienny

Fota: sacsietki

Fota: sacsietki

Andrej — hramadzianin Rasii, ale z šaści hod žyŭ u Homieli. Ciapier jamu 33 hady.

Mužčyna navučaŭsia ŭ Homielskim dziaržaŭnym univiersitecie transpartu. Paśla pieravioŭsia ŭ Charkaŭski aŭtadarožny. Byŭ ipešnikam i mieŭ dazvoł na roźničny handal tavarami. Pracavaŭ taksama ŭ handli aŭtazapčastkami, na kursach kiravańnia.

Andrej maje žonku i dvuch małych dziaciej.

Jon pačaŭ zajmacca aktyvizmam z 2019 hoda. Tady vystupaŭ suprać kropkavaj zabudovy ŭ svaim rajonie: źbiraŭ podpisy pad kalektyŭnym zvarotam žycharoŭ suprać uščylnieńnia i drukavaŭ ulotki. Paśla hetaha ŭ jaho adbyŭsia pieršy pieratrus, u chłopca zabrali dakumienty i techniku. Tady jaho padazravali ŭ padpale budaŭničaha krana, ale ŭ vyniku heta skončyłasia ničym.

Na vybarach 2020 hoda Andrej byŭ naziralnikam. Jaho aburyli falsifikacyi, jon pisaŭ skarhi na načalnika kamisii ŭ prakuraturu. Chłopiec udzielničaŭ u akcyjach pratestu. Na adnoj z takich jon byŭ na mašynie: za heta byŭ aštrafavany i pazbaŭleny pravoŭ.

Andrej vioŭ zdarovy ład žyćcia: nie kuryŭ i nie piŭ. Siabra raspaviadaŭ homielskaj «Viaśnie» pra chłopca:

«Dla jaho nie pustyja słovy — prystojnaść, salidarnaść, padtrymka. Heta byŭ jaho vybar, idejny pratest. Nakipieła, nabaleła, mabyć jon nie bačyŭ inšaha vyjścia, kali naziraŭ usiu tuju niespraviadlivaść, jakaja ciapier vakoł nas. Sacyjalna adkazny čałaviek. U jaho raniej anijakich prablem z zakonam nie było, tolki štrafy za parušeńnie PDD chiba. Jon zajmaŭsia hramadskaj dziejnaściu i navat paciarpieŭ za heta ad siłavikoŭ».

Padniabiennaha aryštavali 5 listapada 2021 hoda. Jaho vinavaciać u «akcie teraryzmu» za padpał mašyny načalnika ŭpraŭleńnia Departamienta vykanańnia pakarańniaŭ i prakoł šynaŭ u tralejbusnym parku. Mužčynu pahražaje da piatnaccaci hadoŭ pazbaŭleńnia voli.

Čytajcie taksama:

KDB uklučyŭ jašče niekalki biełarusaŭ u śpis «terarystaŭ»

Hetaja rasijanka suprać vajny, i joj pahražaje 10 hod turmy. Chto jana i što zrabiła?

«Adzin syn u śpiecnazie słužyć, druhi — na tanku. Jon bajaŭsia, što ich pašluć vajavać». Što viadoma pra zatrymanych za «padrychtoŭku terakta»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?