Fota SK
Pavodle infarmacyi našaj krynicy (pratakoł pravierki jość u rasparadžeńni redakcyi), ciahnikom «Minsk — Viciebsk» u toj dzień kiravaŭ mašynist pieršaha kłasa, staž raboty jakoha bolšy za dziesiać hadoŭ.
— Heta najvyšejšy kłas, i atrymać jaho składana — udakładniaje naš surazmoŭca.
Miž tym staž pracy ŭ pamočnika mašynista bolšy za piać hadoŭ.
23 maja sastaŭ adpraviŭsia ź Minska pa raskładzie. U Ratamcy jon byŭ u 21.53, išoŭ pa pieršym šlachu. Pobač sa stancyjaj, dzie ŭ ciahnika niama prypynku, jon, jak i nieabchodna, ruchaŭsia z «uklučanymi bufiernymi lichtarami i pražektaram», a taksama padavaŭ sihnały vialikaj i małoj hučnaści. U hety ž čas na druhi šlach prybyvała elektryčka «Maładziečna — Minsk».
Dzieści za sto mietraŭ da piešachodnaha pierachoda, jaki byŭ na šlachu ciahnika «Minsk — Viciebsk», niečakana źjavilisia ludzi z vazkom. Mašynist užyŭ ekstrannaje tarmažeńnie i sihnał apaviaščeńnia.
— Chutkaść ciahnika była 72 km/h, choć dazvolena 100 km\h. z-za taho, što adlehłaść pamiž sastavam i ludźmi była nievialikaj, najezd praduchilić nie ŭdałosia — tłumačyć naš surazmoŭca. — Paśla nadzvyčajnaha zdareńnia mašynist paviedamiŭ pra jaho načalniku ciahnika i mašynistam ciahnikoŭ, jakija išli za im. A taksama papiaredziŭ, što treba vyklikać chutkuju i milicyju. Paralelna jaho pamočnik z aptečkaj pajšoŭ da paciarpiełych, ale ludzi ŭžo nie padavali prykmiet žyćcia.
Praź niekatory čas sastaŭ vyjechaŭ u kirunku Viciebska. Unutranaja pravierka pakazała, što padčas nadzvyčajnaha zdareńnia dziejańni łakamatyŭnaj bryhady byli pravilnymi.
Čytać taksama:
Što adbyłosia ŭ Ratamcy, dzie pad kołami ciahnika zahinuła cełaja siamja
