«Sam Sievieradanieck na hetym etapie vajny važny hałoŭnym čynam tamu, što heta apošni značny nasieleny punkt u Łuhanskaj vobłaści, jaki nie kantralujecca rasijanami. Jaho zachop dazvolić Maskvie abviaścić pra poŭny zachop vobłaści, ale nie daść Rasii nijakich inšych vajennych abo ekanamičnych vyhad», — piša ISW u apošnim analizie.
Instytut padkreślivaje, što rasijskija vojski rujnujuć horad padčas nastupleńnia, tamu, kali jany zojmuć jaho, to buduć mieć pad kantrolem tolki ruiny.
«Zaniaćcie Sievieradaniecka moža dać rasijanam mahčymaść adkryćcia naziemnaha šlachu dla padtrymki apieracyi ŭ zachodnim kirunku,
ale rasijskim siłam nie ŭdałosia zabiaśpiečyć značna bolš spryjalnyja šlachi ź Iziuma zbolšaha mienavita tamu, što jany tak mocna zasiarodzilisia na Sievieradaniecku», — havorycca ŭ analizie.
ISW adznačaje, što rasijanie pry hetym dasiahajuć vielmi nievialikaha prahresu ŭ zachopie novych terytoryj u Danieckaj vobłaści.
«Zaniaćcie Sievieradaniecka mahło b im dapamahčy ŭ zavajovie rešty Danieckaj vobłaści tolki ŭ tym vypadku, kali b heta dazvoliła im nabrać impuls u praviadzieńni dalejšych apieracyj,
ale bitva za Sievieradanieck, chutčej za ŭsio, vyklučyć dalejšaje rasijskaje nastupleńnie ŭ bujnych maštabach», — aceńvaje amierykanskaja ŭstanova.
Na dumku daśledčykaŭ Instytuta, rasijskija vojski dasiahnuli pośpiechaŭ na sievieradanieckim kirunku pierš za ŭsio dziakujučy tamu, što Maskva skancentravała vakoł jaho siły i ŭzbrajeńni, pieraraźmierkavanyja ź inšych teatraŭ bajoŭ, dzie rasijanie ŭžo niekalki tydniaŭ nie mohuć atrymać novych zavajoŭ. Tym nie mienš, — padkreślivaje ISW, — ukrainskija siły nanieśli ahresaram surjozny ŭron.
«Maskva nie zmoža adnavić značnuju bajavuju moc, navat kali zojmie Sievieradanieck, bo značna jaje patraciła, bieručy horad», — piša ISW.
Praŭda, Instytut padkreślivaje, što i ŭkrainskija siły paniasuć značnyja straty ŭ bajach za Sievieradanieck, jak i mirnaje nasielnictva.
Adnak rasijskija vojski zasiarodzili vakoł horada značna bolšuju častku svajho bajavoha patencyjału, što pracuje na karyść Ukrainy.
Akramia taho, ukrainskija vajskoŭcy atrymlivajuć pastaŭki ad chaŭruśnikaŭ, choć jany pastupajuć marudna i ŭ adnosna nievialikaj kolkaści.
Rasijskija ž siły, naadvarot, demanstrujuć prykmiety źniasileńnia najaŭnych ludskich i materyjalnych resursaŭ, i niama padstaŭ čakać źmieny takoha stanu spraŭ u najbližejšyja miesiacy.
«Pucin ciapier kidaje ludziej i zbroju na apošni bujny nasieleny punkt u vobłaści, Sievieradanieck, jak byccam jaho zachop pavinien zabiaśpiečyć jamu pieramohu ŭ vajnie. Ale jon pamylajecca.
Kali bitva za Sievieradanieck skončycca, niezaležna ad taho, jaki z bakoŭ budzie zajmać horad, rasijskaje nastupleńnie na apieratyŭnym uzroŭni i ŭ stratehičnym płanie, napeŭna, užo projdzie kulminacyjny momant, što daść Ukrainie mahčymaść uznaŭleńnia kontrnastupleńnia na ŭzroŭni apieracyjnaj sistemy, kab zmahacca ź siłami Rasii», — padkreślivaje ISW.
Čytajcie taksama:
Novy pakiet dapamohi Ukrainie: što mohuć «Harpuny» i «Ekskalibury»
Front u Danbasie prarvany, ale heta daloka nie katastrofa
Chto pieramoža: Ukraina ci Rasija? Wall Street Journal apisaŭ piać scenaryjaŭ zakančeńnia vajny
