Heta budzie spryjać źnižeńniu kolkaści hetych žyvioł, a značyć, dapamahać u baraćbie z raspaŭsiudžvańniem afrykanskaj čumy śviniej. Pra heta raspavioŭ žurnalistam kiraŭnik Biełaruskaha tavarystva palaŭničych i rybałovaŭ (BTPR) Ihar Šunievič pa vynikach dakłada Alaksandru Łukašenku, piša BiełTA.
Na dumku Ihara Šunieviča, miery pa baraćbie z afrykanskaj čumoj śviniej byli efiektyŭnyja tolki na pačatkovym etapie. A zaraz naśpieła nieabchodnaść źmianić padychody, znajści bolš dziejsnyja mietady dla depapulacyi hetaha vidu žyvioł. Darečy, nieabchodnaść źnižeńnia kolkaści dzikoŭ nichto nie stavić pad sumnieŭ.
«Była prapanavana inšaja schiema, jakaja zaklučajecca ŭ tym, kab nie zakopvać u ziamlu dzika, a dazvolić palaŭničym zdabyvać jaho i vykarystoŭvać u asabistych metach, kuplajučy jaho ŭ dziaržavy pa minimalnaj canie, — rastłumačyŭ staršynia BTPR. — Kiraŭnik dziaržavy padtrymaŭ takuju prapanovu i daŭ adpaviednyja rasparadžeńni, kab źmianić ałharytm zdabyčy i vymańnia dzika na padstavie našych prapanoŭ».
