ČP «Homiel»

ČP «Homiel»

Hamialčancy ŭ «Biełarusbanku» vydali płastykavuju kartu ź litaraj Z na adnym baku. «Na pytańnie, ci možna mnie kartu ź inšym dyzajnam, supracoŭnica banka skazała, što kiraŭnictva banka dało ŭkazańnie vydavać vyklučna z takim», — raspaviała jana.

Miarkujučy pa fota, heta kartka kłuba «Z-kłas», jakuju «Biełarusbank» uvioŭ u abarot u vieraśni minułaha hoda. Takija karty vypuskajucca dla školnikaŭ. U banku nie tłumačać, čamu jany nazyvajucca mienavita tak.

Ale miarkujučy pa tym, što karty vypuskajuć dla dziaciej ad 6 da 18 hadoŭ, chutčej za ŭsio, heta adsyłka da pakaleńnia Z, pradstaŭniki jakoha narodžanyja pamiž 1995 i 2010 hadami. Raniej u banku tłumačyli, što «z padziejami va Ukrainie jaje nazva nie moža być źviazanaja».

Žurnalist źviarnuŭsia ŭ bank jak klijent. Tam kažuć, što pry zamovie kartki hetaha kłuba možna vybrać adzin z dvuch dyzajnaŭ: vyjavu rakiety abo litaru Z. Ale ŭžo atrymanuju kartu zamianić na inšy dyzajn biaspłatna nielha. «Kartu možna viarnuć u bank i aformić zajavu na vypusk novaj karty» — rastłumačyli ŭ banku. Vypusk karty kaštuje 10 rubloŭ.

Litary Z, V i O vykarystoŭvajuć rasijanie ŭ vajnie suprać Ukrainy. U pryvatnaści takija biełyja litary možna ŭbačyć na rasijskaj vajennaj technicy, jakaja była zaŭvažanaja i na terytoryi Biełarusi. Ich taksama aktyŭna vykarystoŭvaje rasijskaja prapahanda. A ŭ Biełarusi litara Z niaredka bačnaja na pakajannych videa, apublikavanych u tielehram-kanałach siłavikoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?