U kancy sakavika suprać administratarki telehram-kanała «Kiroŭcy 97%» Viktoryi Kulšy zaviali kryminalnuju spravu pa č. 1 art. 411 KK (złosnaje niepadparadkavańnie patrabavańniam administracyi papraŭčaj ustanovy).
Heta ŭžo druhi vypadak, kali administracyja homielskaj kałonii № 4 inicyjuje zaviadzieńnie kryminalnaj spravy suprać palitźniavolenych. Niadaŭna pa hetym artykule sudzili Palinu Šarendu-Panasiuk.
Spravu Viktoryi 13 červienia budzie razhladać sudździa suda Čyhunačnaha rajona Homiela Siarhiej Malcaŭ. Mierkavana, sud adbudziecca ŭ kałonii.
Viktoryju zatrymali 4 listapada 2020 hoda. Jaje abvinavacili pa č. 1 i č. 2 art. 342 KK (Arhanizacyja hrupavych dziejańniaŭ, jakija hruba parušajuć hramadski paradak i padrychtoŭka albo navučańnie takoj dziejnaści) i prysudzili 2,5 hoda kałonii, paviedamlaje «Viasna»
