Fota: Pixabay.com
U śpisie jano paznačana jak «Joint Stock Company Eleron». Havorka idzie pra AT «FCNIVT «SNPA «Eleron».
Jak pakazana na sajcie pradpryjemstva, heta inžynirynhavaja kampanija ŭ składzie jadziernaha zbrojevaha kompleksu karparacyi pa atamnaj enierhii «Rasatam».
Paznačana, što «Eleron» majuć u svaim składzie pradstaŭnictva ŭ Biełarusi, jakoje raźmieščanaje na placoŭcy budaŭnictva Biełaruskaj AES u Astraŭcy, ale jurydyčny adras — u Minsku.
Akramia taho, u sankcyjny śpis ZŠA patrapili centralnaje kanstruktarskaje biuro marskoj techniki «Rubin», «Avijacyjny kompleks imia S. V. Iljušyna», «Dośledna-kanstruktarskaje biuro imia A. S. Jakaŭleva» i inšyja rasijskija kampanii.
«Hetyja jurydyčnyja asoby dziejničajuć suprać intaresaŭ nacyjanalnaj biaśpieki i źniešniaj palityki ZŠA», — havorycca ŭ dakumiencie.
Nahadajem, 8 maja ZŠA ŭviali sankcyi ŭ dačynieńni da 13 biełaruskich vajskovych słužbovych asob, 20 krasavika — u dačynieńni da 17 hramadzian Biełarusi, jakija majuć dačynieńnie da represij u krainie. 1 krasavika ŭ sankcyjny śpis ZŠA ŭnieśli KDB Biełarusi, śpiecpadraździaleńnie «Alfa», unutranyja vojski, avijaramontny zavod u Baranavičach i 140-y ramontny zavod, zavod pa ramoncie radyjoelektronnaha ŭzbrajeńnia, pradpryjemstva «Ahat», BiełOMA, Minski zavod kołavych ciahačoŭ, avijakampaniju «Transavijaekspart» i inšyja.