Pra heta zajaviŭ namieśnik ministra zamiežnych spraŭ Polščy Pavieł Jabłonski.
«Kali havorka idzie ab pryjomie ŭ NATA novych členaŭ, heta našmat bolš doŭhaterminovy praces. Heta nie tak chutka i nie tak prosta. Heta zojmie minimum niekalki miesiacaŭ», — skazaŭ jon.
Pry hetym pradstaŭnik MZS Polščy ličyć, što Turcyja nie zmoža zabłakavać siabroŭstva Finlandyi i Šviecyi. Na jaho dumku, kali Ankara vysunie ŭmovy, NATA praciahvaje vieści pieramovy.
Nahadajem, što Turcyja błakuje ŭstupleńnie Finlandyi i Šviecyi ŭ NATA i abvinavačvaje skandynaŭskija krainy ŭ padtrymcy kurdskaha teraryzmu.
Tamu NATA sklikaje sustreču dypłamataŭ Turcyi, Šviecyi i Finlandyi.