Ukrainskija bajcy bolš za dva miesiacy trymali abaronu akružanaha rasijskimi vojskami Maryupala. Mietałurhičny kambinat «Azoŭstal» staŭ ich apošniaj aporaj.
HUR Minabarony Ukrainy apublikavała videa, na jakim vidać, jak viertaloty USU ździajśniali śpiecyjalnyja paloty na «Azoŭstal».
Na videa bačna, što palot prachodziŭ uzdoŭž bierahavoj linii ŭ rajonie porta. Vidać taksama pasadku, vysadku desantu i hruzaŭ i viartańnie nazad.
«Kab dastavić abaroncam Maryupala vielmi nieabchodnuju zbroju i bojeprypasy, viertalotčyki Uzbrojenych sił Ukrainy i śpiecnazaŭcy HUR Minabarony Ukrainy praviali ŭnikalnuju pa składanaści apieracyju», — havorycca ŭ tłumačeńni da videa.
Misija niemahčymaja
Pa słovach ukrainskaha piłota, jaki zastajecca nienazvanym, asnoŭnaja składanaść palotu na «Azoŭstal» zaklučałasia ŭ tym, što treba było zalacieć na terytoryju, zaniatuju praciŭnikam, na hłybiniu 100 km pad ščylnaj sistemaj supraćpavietranaj abarony rasijan.
«Pa taktycy i ŭsich matematyčnych raźlikach heta było nie toje što składana, heta było niemahčyma vykanać. Ale praktyka pakazała, što heta mahčyma. I my heta vykanali», — raspavioŭ piłot u intervju, jakoje apublikavali Suchaputnyja vojski UZU ŭ Fejsbuku.
Pavodle jaho, tolki ŭ zonie pasadki byli try supraćzienitnyja rakietnyja kompleksy.
«Kali nam pastavili zadaču, usie razumieli, jakaja heta ryzyka. U 90% vypadkaŭ usie razumieli, što nie viernucca. Ale hałoŭnakamandujučy skazaŭ takuju frazu: u kolki žyćciaŭ inšych ludziej vy aceńvajecie svajo žyćcio? Kolki ludziej pavinna zahinuć, kab vy razumieli, što vaša žyćcio hetaha kaštuje?» — raskazvaje piłot.
«I my sapraŭdy zrazumieli, što tam adbyvajecca. Tam nie było lekaŭ, nie było bojeprypasaŭ i lacieć tudy było vielmi nieabchodna», — dadaje jon.
Apisvajučy svaje adčuvańni, piłot uspaminaje, što samaje vialikaje chvalavańnie było pa darozie da viertalota. U pracesie palotu ŭžo «prosta vykonvaješ pracu». A voś padčas vysadki ŭ Maryupali — adčuvańnie ejfaryi.
«Nam zdavałasia, što, kali my ŭžo trapili siudy praz zonu paražeńnia troch SPA, my ŭžo atrymali pieramohu. Usio budzie dobra. Ale, na žal, heta byŭ nie kaniec», — raskazvaje piłot.
Na zvarotnym šlachu, praz try chviliny paśla ŭźlotu, u jaho viertalot trapiła rakieta, vyjšaŭ z ładu adzin ruchavik.
«Na žal, inšamu viertalotu pašancavała mienš. Jon upaŭ», — raspaviadaje vajenny.
Z adnym ruchavikom lacieć było ciažka i byŭ varyjant sieści na inšaj placoŭcy. Ale na borcie znachodziłasia 20 paranienych i byŭ adziny sposab ich vyratavać — davieźci da miesca pryznačeńnia.
«Tamu rabili tolki toje, što my pavinny byli rabić, — dalacieć da miesca pasadki», — raspavioŭ piłot.
Paloty na «Azoŭstal»
Raniej kiraŭnik HUR Minabarony Ukrainy Kirył Budanaŭ raspavioŭ, što ŭsiaho za 82 dni abłohi Maryupala da ŭkrainskich abaroncaŭ viertalotam USU ŭdavałasia prabicca siem razoŭ.
U intervju amierykanskamu vajskovamu vydańniu The War Zone Budanaŭ raspavioŭ, što da abaroncaŭ Maryupala na «Azoŭstal» lotali 16 vajennych viertalotaŭ Mi-8 z dapamohaj, a adnojčy z 72 bajcami pałka »Azoŭ» na borcie.
«Kožny raz viertaloty paśpiachova dastaŭlali nieabchodnaje. Ale padčas piataj i siomaj misii dva viertaloty źbili. Taksama byŭ źniščany jašče adzin viertalot, jaki vylecieŭ na vyratavańnie ekipaža adnaho z hetych dvuch źbitych viertalotaŭ», — skazaŭ Budanaŭ.
100 dzion vajny — dramatyčnyja i emacyjnyja kadry
