Fota: staronka ŭ Fejsbuku MTZ
Sioleta na vystavie «Biełahra-2022» «MTZ-Chołdynh» maje namier prademanstravać nie tolki techniku, ale i technałohii. Mienavita dziela hetaha biełaruskaja kampanija ŭpieršyniu na vystavie pakaža bieśpiłotny traktar «BELARUS-A3523i».
Viadoma, što bieśpiłotnik maje ruchavik mahutnaściu 350 konskich siłaŭ, jaki zabiaśpiečvajecca elektramiechaničnaj tranśmisijaj.
Technałahičnaja mašyna źjavicca na publicy nie ŭpieršyniu, letaś MTZ pakazaŭ traktar na vystavie kala «Čyžoŭka-Areny».
MTZ taksama pakaža madernizavanyja traktary, małahabarytnuju techniku.
«Biełahra-2022» budzie prachodzić z 7 da 11 červienia ŭ Kitajska-biełaruskim industryjalnym parku «Vialiki kamień».
