U šaści apošnich aficyjnych hulniach nacyjanalnaja družyna zabiła tolki adnojčy. Fota: vk.com/belarusff

U šaści apošnich aficyjnych hulniach nacyjanalnaja družyna zabiła tolki adnojčy. Fota: vk.com/belarusff

Heta ŭžo nie śmiešna.

U šaści apošnich aficyjnych hulniach nacyjanalnaja družyna zabiła tolki adnojčy — Uelsu, padčas bieznadziejnaj parazy 1:5. U astatnim «biełakryłyja» vyhladali maksimalna biazzuba.

Pryčym jak u zmahańniach z surjoznymi apanientami kštałtu čechaŭ albo bielhicaŭ, tak i pry sustrečach z zusim kvołymi estoncami. Viečaram paniadziełka biełarusy mieli realny šaniec palepšyć statystyku, ale chapnuli jašče bolš soramu.

Hetym razam kalektyŭ Hieorhija Kandraćjeva za 90 chvilin nie zdoleŭ skaryć vizavi z Azierbajdžana. Kab zrazumieć, nakolki heta drenna, dastatkova pierahledzieć vyniki supiernikaŭ na mižnarodnaj arenie.

Adbor da čempijanata śvietu-2022 «parni iz Baku» praviali ŭvohule bieź pieramoh — tolki raz pry vaśmi sprobach zhulali ŭničyju. U daviesak ža dvojčy (!) sastupili futbolnym hihantam ź Luksiemburha.

Apošniaja ž aficyjnaja viktoryja Azierbajdžana datujecca vieraśniem 2020-ha, kali ŭ bieskampramisnaj baraćbie byŭ pabity Kipr, 1:0.

Paśla pierapynku padnačalenyja Kandraćjeva tolki naprykancy 45 chvilin uzhadali pra isnavańnie čužoj bramy. Fota: vk.com/belarusff

Paśla pierapynku padnačalenyja Kandraćjeva tolki naprykancy 45 chvilin uzhadali pra isnavańnie čužoj bramy. Fota: vk.com/belarusff

I voś takomu kankurentu pa hrupie 3 Lihi nacyj «biełakryłyja» ščodra padaravali ničyjny bał. Pryčynaj tamu — aściarožnaja taktyčnaja schiema ažno ź piaćciu abaroncami dy ahulnaja pasiŭnaść kamandy. Azierbajdžan bolš vałodaŭ miačom, čaściej padychodziŭ da bramy Paŭła Paŭlučenki i hulaŭ u tym tempie, što byŭ zručny mienavita pratakolnym haściam.

I kali napačatku dvuboja niejkija namioki na kontrhulniu ŭ biełarusaŭ jašče byli, to paśla pierapynku padnačalenyja Kandraćjeva tolki naprykancy tajma ŭzhadali pra isnavańnie čužoj bramy.

Adznačym, što z 84-j chviliny azierbajdžancy ŭvohule hulali ŭ mienšaści z-za pramoha vydaleńnia Alijeva. Adnak navat hetaja pieravaha nie matyvavała «biełakryłych» dacisnuć apanientaŭ.

Cikava, što ŭ paralelnaj sustrečy kamanda Kazachstana siensacyjna adužała favarytaŭ hrupy 3, słavakaŭ, ź minimalnaj roźnicaj. I dziakujučy pośpiechu 1:0 uznačaliła puł, bo vybiła 6 ačkoŭ z 6 mahčymych. Słavaki druhija — 3 ački, biełarusy z azierbajdžancami zamykajuć kvartet — u kožnaj kamandy pa ačku na rachunku.

Nastupny matč kamanda Kandraćjeva praviadzie 10 červienia suprać zbornaj Kazachstana. Pačatak u 21.45. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?