Pra heta paviedamiŭ kiraŭnik mižnarodnaj pravaabarončaj hrupy «Ahora» Pavał Čykaŭ.
U aŭtorak Čykaŭ zajaviŭ, što sudy aryštavali majomaść čatyroch abvinavačanych pa artykule ab tak zvanych «fejkach» pra dziejańni rasijskaj armii. Adnak imionaŭ nie nazvaŭ.
Čykaŭ udakładniŭ, što Kryminalna-pracesualny kodeks Rasii dazvalaje aryštoŭvać majomaść «dla zabieśpiačeńnia vykanańnia prysudu ŭ častcy spahnańnia štrafu». Pa častcy 2 artykuła 207.3 moža być pryznačany štraf ad troch da piaci miljonaŭ rubloŭ. Maksimalnaje pakarańnie — ad piaci da dziesiaci hadoŭ pazbaŭleńnia voli.
Pavodle «OVD-Info», u Rasii siłaviki zaviali ŭžo amal 2400 spraŭ pa administracyjnym artykule 20.3.3 ab «dyskredytacyi» rasijskaj armii.
Choć artykuł uviali tolki ŭ sakaviku 2022 hoda, jaho ŭžyvańnie stała ŭsierasijskaj praktykaj, adznačajuć pravaabaroncy. Tak, imi zafiksavana zaviadzieńnie spravaŭ u 80 rehijonach Rasii, a taksama ŭ akupavanych Rasijaj Krymie i Sievastopali. Palicyja nie vyjaviła «dyskredytacyi» tolki ŭ Čačni, Tyvie i Mahadanskaj vobłaści.
