Pamiaškańnie kamiernaha typu — heta turemnaja kamiera, u jakoj utrymlivajecca viazień i vychodzić tolki na pracu i paŭhadzinny špacyr, asobna ad inšych źniavolenych, jakija znachodziacca ŭ žyłoj zonie kałonii. Im zabaraniajecca kamunikavać z tymi, chto znachodzicca ŭ PKT. Daterminovy vychad mahčymy tolki pa stanie zdaroŭja.
Taksama jość abmiežavańni pa pasyłkach i zabarona na spatkańni i telefanavańni.
Jak paviedamlajecca na admysłovaj staroncy z navinami pra Ściapana Łatypava, zachoŭvajucca prablemy ź listavańniem: za pieršyja dva tydni ŭ PKT Ściapan atrymaŭ tolki dva listy, adzin ź jakich — ad baćki.
U svaim liście baćku Ściapan škaduje, što praviadzie leta ŭ kamiery: jon nie paśpieŭ naradvacca kvietkam uviesnu. Prasiŭ pisać čaściej.
Siabry Ściapana prosiać usich, chto pisaŭ jamu ŭ kałoniju, paznačyć u admysłovaj formie svaje pasłańni. Paśla ich ahulnuju kolkaść jany paviedamiać Ściapanu, kab jon viedaŭ, što jamu pišuć našmat bolej, čym jamu pieradajuć. Forma dastupnaja pa spasyłcy.
Palitviaźnia Ściapana Łatypava ŭ žniŭni 2021 hoda asudzili na 8,5 hoda kałonii ŭzmocnienaha režymu.
