Kali Ukraina nie rychtavałasia da vajny, čamu pieršyja rasijskija ŭdary pryjšlisia na makiety, usie bojeprypasy byli razhrupavanyja, a studzień i luty prachodzili ŭ vučeńniach? Ukraina rychtavałasia da vajny ź minułaha hoda: infarmacyju pra mahčymaje ŭvarvańnie davali nie tolki zachodnija vyviedki, ale i naša», — zajaviŭ Padalak.
Daradca kiraŭnika AP taksama papraknuŭ niekatorych zachodnich palitykaŭ, jakija prahnazavali, što ŭkrainskaja armija nie zmoža supraćstajać rasijskaj daŭžej za try dni, i pry hetym zaciahvali z pastaŭkami zbroi.
«Tolki kali niechta davaŭ nam try dni, ukrainskaja vyviedka kazała: vystaim. A voś što zrabili inšyja krainy, viedajučy pra płany Maskvy ździejśnić hienacyd, kab jaje spynić — pytańnie. Kali b my pačali atrymlivać ciažkuju zbroju ŭ studzieni, situacyja mahła być inšaj», — zajaviŭ Padalak.
11 červienia Bajden zajaviŭ, što Zialenski nibyta «nie chacieŭ čuć» papiaredžańni pra płany RF pa poŭnamaštabnym napadzie na Ukrainu.
