Hramadzianie Biełarusi 35 i 27 hadoŭ zahinuli ŭ aŭtaavaryi ŭ aŭtorak niedaloka ad rumynskaha horada Insurecej. Pavodle infarmacyi Reform.by, heta ŭdzielniki dobraachvotnickaha atrada «Lićvin», jaki dziejničaŭ u Adesie.
Hruzavik pad kiravańniem 51-hadovaha miascovaha žychara raptam vyjechaŭ na sustrečnuju pałasu i ŭrezaŭsia ŭ aŭto ź biełarusami łob u łob.
Raspačataja kryminalnaja sprava ab nienaŭmysnym zabojstvie.
Atrad «Lićvin» byŭ sfarmiravany ŭ Adesie ź biełarusaŭ i naličvaŭ, pavodle ich słoŭ, niekalki dziasiatkaŭ čałaviek. Jany płanavali ŭstupić va ŭkrainskuju terabaronu. Niekalki tydniaŭ tamu stała viadoma, što bajcy pałka Kalinoŭskaha prybyli ŭ Adesu i raspuścili atrad, abvinavaciŭšy ich u biaździejnaści.
Što biełarusy rabili ŭ Rumynii, nieviadoma.
