15.06.2022
/ 20:30 / Ałharytmičny łacinski varyjant
Palitviaźnia Juryja Kavalova ŭ kałonii buduć znoŭ sudzić za «złosnaje niepadparadkavańnie administracyi kałonii»
Suprać palitviaźnia Juryja Kavalova, jaki ciapier adbyvaje termin u kałonii za abrazu Łukašenki, uzbudzili kryminalnuju spravu pa č. 1 art. 411 KK (złosnaje niepadparadkavańnie patrabavańniam administracyi papraŭčaj ustanovy). Jamu pahražaje da jašče adnaho hoda źniavoleńnia, piša «Viasna».
U pačatku krasavika Kavalova časova pieraviali ŭ śledčy izalatar № 1 u Minsku, adkul vazili na psichałahičnuju ekśpiertyzu ŭ «Navinki». U traŭni jaho znoŭ etapavali ŭ kałoniju.
Juryj byŭ zatrymany za toje, što, prachodziačy miedycynskuju vadzicielskuju kamisiju, nazvaŭ Łukašenku «debiłam» na pryjomie ŭ psichijatra, jakaja zaviała ź im havorku na palityčnyja temy. 22 lipienia 2021 hoda Kavalovu prysudzili hod kałonii.
Svajoj viny Juryj nie pryznaŭ. Na sudzie jon skazaŭ, što «dyktatar horš za debiła, a Łukašenka sam siabie nazyvaje dyktataram».
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
