Fota ilustracyjnaje
Praz vajnu, pa słovach ministra, Ukraina vymušanaja kuplać paliva «usiudy, dzie možna dastać», u tym liku ŭ Bielhii i Niderłandach.
Ukraina była adnym z najbujniejšych pakupnikoŭ biełaruskaha paliva. Amal tolki na jaje pracavaŭ zavod u Mazyry, aktyŭna pracavali tam i biełaruskija biznesoŭcy, u tym liku Mikałaj Varabiej.
Dla Ukrainy Biełaruś była hałoŭnym pastaŭščykom paliva, u toj čas, jak praź miežy z krainami Jeŭrasajuza — Polščaj, Rumynijaj, Vienhryjaj, Słavakijaj — pastaŭlałasia tolki 5%. Ciapier hetaja dola vyrasła da 100%, a va Ukrainu štodnia zajazdžajuć da 230 bienzavozaŭ. Dastaŭlać paliva praz Čornaje mora z Rumynii i Azierbajdžana, jak heta rabiłasia raniej, ciapier mahčymaści niama.
Dadatkova situacyju z palivam uskładniaje źniščeńnie ŭ vyniku avijaŭdaru adzinaha va Ukrainie bujnoha naftapierapracoŭčaha zavoda ŭ Kramienčuhu, na jaki prypadała kala 40% pastavak bienzinu i dyzielnaha paliva.
Pavodle słoŭ Kubrakova, situacyja z palivam va Ukrainie stabilizujecca da vosieni. Da taho času Kijeŭ padpiša bolš doŭhaterminovyja kantrakty z zamiežnymi pastaŭščykami.
