«U 2022 hodzie Telegram uvajšoŭ u top-5 najčaściej zahružanych dadatkaŭ u śviecie, a kolkaść aktyŭnych karystalnikaŭ miesiendžara pierasiahnuła 700 miljonaŭ čałaviek u miesiac.
Hetych vynikaŭ ŭdałosia dasiahnuć vyklučna dziakujučy asabistym rekamiendacyjam: Telegram nikoli nie raźmiaščaŭ płatnuju rekłamu svaich mabilnych prahram», — paviedamlajecca ŭ pres-relizie z nahody zapusku pašyranaj płatnaj viersii miesiendžara.
U Telegram Premium buduć pavialičanyja praktyčna ŭsie limity ŭdvaja. Stanie dastupnaj zahruzka fajłaŭ da 4 HB, maksimalnaja chutkaść zapampoŭki, źjaviacca ŭnikalnyja stykiery i reakcyi, dadatkovyja instrumienty dla kiravańnia čatami i inšyja dadatkovyja opcyi.
Kamanda Telegram adznačaje, što ŭsie dahetul najaŭnyja funkcyi pry hetym zastanucca biaspłatnymi.
