Kvatery biez čystavoha ramontu ŭ damach, jakija ŭžo daŭno zasielenyja (zdadzienyja ŭ ekspłuatacyju 5-15 hadoŭ tamu), źjaŭlalisia ŭ prodažy i raniej, ale za apošni čas takich prapanoŭ stała ŭdvaja bolš, dzielicca nazirańniami śpiecyjalist u śfiery nieruchomaści.

Sam fakt źjaŭleńnia «zamarožanych» kvater tłumačycca tym, što zaŭsiody jość prasłojka ludziej, jakaja ŭkładała hrošy ŭ nieruchomaść «na budučyniu». 

«Chtości kuplaŭ kvateru «na vyrast», chtości dla dziaciej, jakija paśla pavinny byli sami vyznačycca, jaki rabić ramont. Dla peŭnaj častki heta jak inviestycyjnyja ŭkładańni. Niaredka uładalnikami takich pamiaškańniaŭ akazvalisia rasijanie, jakija nabyvali ŭ Biełarusi nieruchomaść z raźlikam na toje, kab pierajechać siudy na piensiju.

Tak ci inakš, pryčyny nabyćcia žylla mohuć być roznyja, u toj čas, jak pryčyna prodažu čaściej za ŭsio adna — źmiena abstavin», — kaža surazmoŭca.

Pakolki abstaviny apošnim časam mianiajucca daloka nie ŭ lepšy bok, to źjaŭlajecca ŭsio bolš ludziej, jakija ličać za lepšaje trymać źbieražeńni ŭ vyhladzie hrošaj, a nie ŭ nieruchomaści. Tym bolš, kali nieruchomaść u Biełarusi tańnieje. Trymać takija kvatery stanovicca biessensoŭnym, pakolki nieviadoma, kali nastanie čas, kab možna było pradać ich daražej, i ci nastanie jon naohuł.

«Pryčym pieršapačatkova źnižeńnie cen na nieruchomaść u Biełarusi abumoŭlivałasia mienavita tym, što da kanca 2019 — pačatku 2020 hoda jany dasiahnuli svajho piku i stali niepadjomnymi. Tady «kvadrat» u Minsku kaštavaŭ kala 1500-1600$, što, biezumoŭna, było zanadta vysokaj canoj dla Biełarusi, tamu źnižaŭsia popyt, a za im i ceny», — adznačaje ekśpiert.

Na pačatak 2021-ha «kvadrat» patańnieŭ da 1320$. Praz vajnu cana jašče źmienšyłasia. Ciapier «mietr» u stalicy ŭ siarednim kaštuje kala 1200 dalaraŭ.

U realnych ździełkach ceny na kvatery ŭ Minsku ŭpali na 8-20%. Najmienšaje padzieńnie nazirajecca ŭ biudžetnym siehmiencie.

«Ceny na tyja ž chruščoŭki ŭžo pryjšli da svajho minimumu 2016 hoda, tamu tut źnižeńnie nie takoje prykmietnaje, jak u žylla kamfort-kłasa — mienavita tam my nazirajem padzieńnie ŭ realnych ździełkach až da 20% ad cen na luty 2022 hoda», — akreślivajuć tendencyju na rynku nieruchomaści.

Pakul niama padstaŭ dla taho, kab zajaŭlać pra toje, što rynak dasiahnuŭ dna i kvatery pierastanuć tańnieć. 

«Navat niahledziačy na adnosna niebłahija pakazčyki ŭ červieni, my bačym, što ludziej u Minsku nie stanovicca bolš, a abjomy budaŭnictva zastajucca na tym ža ŭzroŭni, — tłumačać ekśpiert. — Aktyŭnaść, jakuju my nazirajem ciapier, mierkavana, abumoŭlenaja tym, što da kupli kvater viarnulisia tyja, chto adkłaŭ hetaje dziejańnie viasnoj.

Aproč hetaha, bačna, što ludzi pieraklučylisia na bolš tannaje žylle — ciapier pavysiŭsia popyt na adnapakajovyja kvatery ŭ starych damach. Praz heta my atrymali, što trochi pavysiŭsia košt mietra, bo ŭ adnapakajoŭkach jon zaŭždy vyšejšy».

Mocna prasiadajuć arendnyja staŭki. Praz heta zdavać kvatery stanovicca ŭžo nie tak vyhadna, jak raniej — kupla nieruchomaści dla taho, kab zarablać na zdačy ŭ arendu, pačynaje hublać sens. Heta taksama musić adbicca na cenach. 

Viartajučysia da temy «novych» kvater u starych damach — dla pakupnikoŭ jany majuć šerah plusaŭ. Budynki, jakim 10 i bolš hadoŭ, užo dali ŭsadku. Pobač, jak praviła, bolš raźvitaja infrastruktura, čym u navabudach. Da taho ž, u susiednich kvaterach užo zrobleny ramont, tamu nie budzie šumu ad niaspynnych rabot.

Čytajcie taksama:

Kab Minsk chutka nie zadychnuŭsia. Pa jakich cenach pradajuć novyja kvatery ŭ haradach-spadarožnikach

Kolki kaštujuć i jak vyhladajuć samyja darahija kvatery abłasnych centraŭ? Interjer niekatorych vas urazić

Ad 29 tysiač dalaraŭ. Jak vyhladajuć i kolki kaštujuć samyja tannyja kvatery Minska

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?