Papiarednie viadoma, što pa horadzie było vypuščana 14 rakiet. Niekalki ź ich ukrainskija siły SPA źbili na padlocie da horada.
Adna z rakiet upała ŭ Šaŭčenkaŭskim rajonie horada, trapiŭšy ŭ dzieviacipaviarchovik i razburyŭšy try vierchnija pavierchi.
Zahinuŭ adzin čałaviek, ratavalniki dastali z-pad zavałaŭ siamihadovuju dziaŭčynku. Imavierna, jaje baćka zahinuŭ, a maci prycisnuła plitoj. Taksama jašče niekalki čałaviek znachodziacca pad zavałami. Paźniej ratavalniki paviedamili, što paranienyja piać čałaviek.
Jašče adna rakieta razarvałasia ŭ dvary dziciačaha sadka. Na ščaście, uranku vychadnoha dnia tam nie było nikoha.
Prakramloŭskija telehram-kanały paviedamlajuć, što ŭdary pa Kijevie nanieśli bambardziroŭščyki rasijskich VKS.
Pavietranaja tryvoha abjaŭlena pa ŭsioj terytoryi Ukrainy.
