Ułaścivaści «chvościkaŭ»
Nastoj z čarankoŭ višni vałodaje cełym šeraham karysnych ułaścivaściaŭ.
Siarod najbolš važnyja — abiazbolvalny i mačahonny efiekty.
Taki nastoj taksama palahčaje mienstrualnyja boli. Jon moža vykarystoŭvacca i dla lačeńnia prablem z mačavym puzyrom abo prastataj.
«Chvościki» višni ŭtrymlivajuć šmat marhancu, kaliju, miedzi, vitaminaŭ A, V2, S, antyaksidantaŭ i antacyanaŭ. Antacyany — heta raślinnyja pihmienty, jakija akazvajuć supraćzapalenčaje i supraćrakavaje dziejańnie, praduchilajuć ateraskleroz.
Nastoj višniovych čarankoŭ taksama maje ačyščalnaje dziejańnie i dapamoža źmienšyć acioki. Jon karysny i ŭ jakaści dadatkovaj padtrymki padčas lačeńnia chałanhitu (zapaleńnia žoŭcievych praciokaŭ).
Ci dapamohuć «chvościki» schudnieć?
Niekatoryja ekśpierty kažuć, što čaranki višni taksama mohuć paskarać mietabalizm i stymulavać spalvańnie tłuščavaj tkanki. Ale hetaje śćviardžeńnie nijak nie dakazanaje i, vierahodna, heta niapraŭda.
Ale varta ŭklučyć višniu ŭ racyjon, kali vy chočacie skinuć vahu. Višnia — heta sadavina ź nizkim hlikiemičnym indeksam, jakaja idealna padychodzić dla źnižeńnia vahi ŭ jakaści inhredyjenta zdarovaj i zbałansavanaj dyjety, a taksama zabiaśpiečvaje arhanizm mnostvam vitaminaŭ i minierałaŭ.
Jak pryhatavać nastoj z «chvościkaŭ» višni?
Źbiarycie čaranki ŭ asobny kantejnier abo misku asobna ad kostačak. Kab pryhatavać nastoj, vam spatrebicca prykładna adna žmienia pładanožak na litr vady.
Pakładzicie «chvościki» ŭ satejnik abo rondal i zalicie vadoj. Paśla prakipiacicie niekalki chvilin. Kali nastoj budzie hatovy, pakińcie jaho astyvać, nakryŭšy viečkam. Padrychtujcie čysty słoik abo butelku. Prapuścicie nastoj praź sita i pastaŭcie ŭ chaładzilnik. Takim čynam jon moža zachoŭvacca da dvuch dzion.
Nastoj lepš za ŭsio pić našča ci pierad ježaj kožny raz padčas mocnych bolaŭ abo dva razy na dzień.
Nastoj z «chvościkaŭ» davoli horki, tamu jaho šmat chto nie lubić. Adnak vy možacie dadać u jaho miodu, kab palepšyć smak.
Harbata sa śviežych višniovych «chvościkaŭ»
Zamiest chałodnaha nastoju «chvościkaŭ» višni možna pryhatavać haračuju harbatu: sa śviežymi čarankami abo sušanymi.
Pakładzicie pramytyja «chvościki» ŭ šklanku abo kružku. Dastatkova niapoŭnaj łyžki. Zalicie kipieniem i pakińcie zavarvacca, nakryŭšy viečkam, na 15 chvilin. Paśla pracadzicie nastoj.
Što zrabić z sušanych čarankoŭ
Zasušyć «chvościki» — hety varyjant dazvalaje atrymlivać asałodu ad višniovaj nastojki navat paśla zakančeńnia siezona. Tolki nie zabudźciesia pramyć «chvościki» pierad suškaj!
Nastoj ci harbatu z sušanych čarankoŭ možna pryhatavać takim ža čynam, jak i sa śviežych, ale ich treba zamačyć na noč (nie mienš za 12 hadzin).
