Harajevu 23 hady. Skončyŭ piedahahičny ŭniviersitet u Minsku, advučyŭsia na historyka, ale apošnim časam pracavaŭ nastaŭnikam fizkultury ŭ škole.
Sambist u minułym, jon padpisant lista za Łukašenku.
Jaho baćka Alaksandr Pališčuk u 2021 hodzie vystupaŭ u składzie chakiejnaj kamandy Homielskaj vobłaści, kali taja hulała suprać kamandy Łukašenki, pisała raniej «Trybuna». Na tym matčy Alaksandr Pališčuk byŭ pryznany najlepšym hulcom svajoj kamandy, a syn zmoh sfatahrafavacca z Łukašenkam.
Harajeŭ na toj momant pracavaŭ u minskim «Dynama», kamandzie KCHŁ, ale nieŭzabavie jaho «spuścili» na nižejšy ŭzrovień — u «Dynama» z Maładziečna, jakoje hulaje ŭ čempijanacie Biełarusi.
Jak viadoma «Našaj Nivie», Harajeŭ manitoryŭ sacsietki svaich kaleh i pisaŭ na ich charaktarystyki kiraŭnictvu. Źbiraŭ infarmacyju i na fanataŭ chakiejnaha «Dynama», jakija pačali bajkatavać matčy z-za palityčnaj situacyi.
Nahadajem, siońnia stała viadoma, što minskaha sambista źbili na sočynskim plažy «Frehat».
Telehram-kanał Mash tak apisvaŭ padziei. Dźvie dziaŭčynki, 6 i 14 hadoŭ, zdymali rolik, razdajučy adpačyvalnikam pryhoža narezanuju sadavinu. Supracoŭniki plaža ŭbačyli ŭ ich kankurentaŭ i hruba paprasili syści. Starejšy brat dziaŭčynak, Mikita zastupiŭsia za ich, a kali troje rabotnikaŭ pasprabavali prahnać jaho siłaj, pačałasia bojka.
Na padmohu supracoŭnikam plaža, piša kanał, pryjšło čałaviek dziesiać z pałkami i žaleznymi prutami. Pryjšłosia vyklikać chutkuju dla biełarusa. Jon da hetaha času ŭ ciažkim stanie.
Fakt zdareńnia paćvierdziła i krasnadarskaja palicyja.
