Padčas sustrečy. Fota: ethos.org.ua
Pravasłaŭnaja carkva Ukrainy — heta Carkva, jakaja ŭ 2019 hodzie atrymała tomas na aŭtakiefałiju ad kanstancinopalskaha patryjarcha, a Ukrainskaja pravasłaŭnaja carkva — častka Ruskaj pravasłaŭnaj carkvy, jakaja paśla ahresii Rasii suprać Ukrainy asudziła pazicyju patryjarcha Kiryła, jaki vystupiŭ za vajnu, i abviaściła pra svaju poŭnuju samastojnaść.
U Dekłaracyi ŭzajemaparazumieńnia, «pryznajučy ahulnaje imknieńnie ŭkrainskaha hramadstva da adzinstva pravasłaŭja» i «ličačy adzinstva ŭkrainskaha pravasłaŭja abaviazkovaj umovaj adzinstva naroda i załoham stabilnaści dziaržavy», baki zaznačyli, što ŭ mižkanfiesijnych adnosinach u sučasnaści jany bačać adzinstva pohladaŭ:
- u asudžeńni vajny, jakuju raźviazała pucinskaja Rasija suprać suvierennaha naroda Ukrainy;
- u asudžeńni destruktyŭnaj pazicyi Maskoŭskaj patryjarchii, jakaja, zakinuŭšy zapaviety Božyja, pieratvaryłasia ŭ «prysłuhu» pucinskaha režymu i dabrasłaŭlaje rasijskich ahresaraŭ na krovapraliccie;
- u razumieńni nieabchodnaści jadnańnia dla abarony Ukrainy;
- u razumieńni nieabchodnaści adzinstva ŭkrainskaha pravasłaŭja, jakoje stajaŭ pierad źniešnimi i ŭnutranymi vyklikami ciapierašniaha dnia;
- u razumieńni nieabchodnaści admovy ad ahresii, stereatypaŭ, pieraduziataści i movy ultymatumaŭ dy varožaści ŭ znosinach adzin z adnym i ŭ publičnaj prastory;
- u razumieńni nieabchodnaści admovy ad niekananičnaj praktyki pierachryščvańnia;
- u nieabchodnaści aśvietnickaj pracy na miescach z metaj pieraadoleńnia i niedapuščeńnia ŭ budučyni mižcarkoŭnych i mižkanfiesijnych kanfliktaŭ;
- u nieabchodnaści sychodu ad vuzkakarparatyŭnych intaresaŭ u mižpravasłaŭnym dyjałohu;
- u razumieńni isnavańnia roznych madelaŭ suisnavańnia pravasłaŭnych jurysdykcyj i h. d.
Zychodziačy z hetaha, baki zajavili pra metazhodnaść i nieabchodnaść kanstruktyŭnaha dyjałohu pamiž dźviuma halinami ŭkrainskaha pravasłaŭja i vykazali nadzieju, što taki dyjałoh, pačaŭšysia pa inicyjatyvie śviataroŭ UPC i PCU, stanie pačatkam pracesu jadnańnia, da jakoha buduć prymykać carkoŭnyja hramady, duchavienstva i «ŭsie, kamu nie abyjakavaja budučynia duchoŭnaści naroda Ukrainy».
Naprykancy śviatary zaklikali svaich ijerarchaŭ pačać aficyjny dyjałoh pamiž Ukrainskaj Pravasłaŭnaj Carkvoj i Pravasłaŭnaj Carkvoj Ukrainy ŭžo da Dnia chryščeńnia Kijeŭskaj Rusi-Ukrainy (28 lipienia), jaki ŭ minułym hodzie byŭ vyznačany jak Dzień ukrainskaj dziaržaŭnaści.
Dekłaracyja adkrytaja da padpisańnia i abmierkavańnia duchavienstvam i viernikami Ukrainskaj Pravasłaŭnaj Carkvy i Pravasłaŭnaj Carkvy Ukrainy.
