Ułady Kazachstana mohuć uvieści novaŭviadzieńnie, pavodle jakoha jany nie buduć zaśviedčvać elektronnyja rachunki-faktury na hruzy z tavarami, vyrablenymi ŭ tych krainach, jakija ŭviali zabaronu na ich ekspart u Rasiju i Biełaruś. Biez takich dakumientaŭ vyvaz tavaraŭ z krainy — śpis ich pakul nie pryvodzicca — budzie niemahčymy.
Mahčymyja źmieny z boku Kazachstana prakamientavali ŭ Kramli. Jak zajaviŭ pres-sakratar prezidenta Rasii Dźmitryj Piaskoŭ, jon pakul nie prymaŭ pastanoŭ ab padtrymcy antyrasijskich sankcyj, naadvarot, maŭlaŭ, krainy majuć namier pašyrać uzajemadziejańnie, piša RBK.
«Tamu pakul nijakich rašeńniaŭ nie prymałasia. Pakul, naadvarot, dekłarujecca absalutny namier i dalej raźvivać naša ŭzajemadziejańnie», — skazaŭ Piaskoŭ
