Sioleta da ŭdziełu tradycyjna prymajucca knihi, vydadzienyja na biełaruskaj movie ŭpieršyniu ŭ 2021 hodzie ŭ papiarovym abo elektronnym varyjancie. Ale taksama možna padać tvory, vydadzienyja ciaham 2020 hoda, jakija nie brali ŭdzieł u konkursie letaś.
Abmiežavańni dla aŭtaraŭ pavodle ŭzrostu, hramadzianstva, miesca žycharstva i miesca publikacyi tvoraŭ adsutničajuć. Termin pryniaćcia zajavak — da 31 lipienia (da 22.00 pa biełaruskim časie).
Uznaharoda ŭručajecca z 2012 hoda za najlepšuju knihu prozy na biełaruskaj movie. Hod tamu pieramahła kniha «Pa što idzieš, voŭča?» Jevy Viežnaviec.
Zasnavalniki premii — Biełaruski PEN-centr i Sajuz biełaruskich piśmieńnikaŭ, Ambasada Respubliki Polšča ŭ Respublicy Biełaruś, Polski instytut u Minsku.