Sud Partyzanskaha rajona Minska razhledzieŭ hetuju kryminalnuju spravu 15 lipienia.
Zhodna z materyjałami spravy, 29 krasavika hetaha hoda rasijanin «ź nizinnych pamknieńniaŭ, jakija vyjavilisia ŭ hrubym parušeńni ahulnapryniatych normaŭ marali i praviłaŭ pavodzin, nie mienš za dva razy ŭstaŭšy na marmurovuju plitu, ustalavanuju na rytualnaj placoŭcy ź Viečnym ahniom i abieliskam na płoščy Pieramohi, dva razy pieraskočyŭ Viečny ahoń, čym adkryta i abraźliva paździekavaŭsia sa zvyčajaŭ i tradycyj hramadstva».
«Abvinavačany ŭ sudovym pasiadžeńni svaju vinu pryznaŭ u poŭnym abjomie, u zroblenym raskajaŭsia», — paviedamlaje pres-słužba suda.
Jaho pryznali vinavatym u chulihanstvie (č. 1 art. 339) KK Biełarusi i prysudzili da pazbaŭleńnia voli na termin 1 hod i 1 miesiac u papraŭčaj kałonii ahulnaha režymu.
Rasijanin časta byvaŭ u Biełarusi pa pracoŭnych pytańniach. Adnojčy jany z pryjacielem adpravilisia pahladzieć Minsk i mužčyna paprasiŭ siabra sfatahrafavać jaho na fonie miemaryjała na płoščy Pieramohi, u tym liku — u skačku nad Viečnym ahniom. Mužčyny zrabili zdymki i źjechali, adnak niechta ź minčan patelefanavaŭ u milicyju. U vyniku rasijanina zatrymali padčas nastupnaj kamandziroŭki.
Abvinavačany — vypusknik vajskovaj VNU, raniej nie sudzimy, pracuje mienedžaram u pryvatnaj rasijskaj kampanii, na ŭtrymańni maje dvaich małaletnich dziaciej.
Čytajcie taksama:
Rasijanin sfatahrafavaŭsia, skačučy cieraź Viečny ahoń na płoščy Pieramohi, i moža sieści na try hady
