Uvie Ziejeler na praciahu ŭsioj karjery vystupaŭ za kłub «Hamburh». Jon dahetul rekardsmien pa hałach za kamandu — 523. U składzie «Hamburha» jon stanaviŭsia čempijonam FRH i ŭładalnikam Kubka krainy, dachodziŭ da finała Kubka kubkaŭ.
U składzie zbornaj FRH Ziejeler vystupaŭ z 1954 pa 1970 hod. Zhulaŭ za nacyjanalnuju kamandu ŭ 72 matčach, u jakich zabiŭ 43 hały. Sa zbornaj napadajučy vyjhraŭ siarebrany miedal čempijanatu śvietu 1966 hoda, a ŭ 1970-m zdabyŭ bronzu.
Ziejeler byŭ adnym z čatyroch futbalistaŭ, jakija zabivali hały na čatyroch čempijanatach śvietu. Takoje dasiahnieńnie, akramia jaho, jość tolki u aktyvie brazilca Piele, partuhalca Kryšcijanu Ranałdu i niemca Mirasłava Kłoze.
