U čym sutnaść naviny? U adnym z parkaŭ polskaj stalicy na dźviuch ukrainak napali niepaŭnaletnija polki z-za taho, što nibyta ich chłopcy hladziać na ich. Adnu z zamiežnic špitalizavali, chulihanak zatrymali.

Cimanoŭskaja ža zrabiła z hetaj historyi svaje ŭłasnyja vysnovy: jana dapuściła, što ŭkrainki mohuć być vinavatyja ŭ tym, što ich pabili. U spartsmienki pa ŭłasnym žyćciovym vopycie skłałasia ŭražańnie, što niekatoryja (chutčej za ŭsio, majucca na ŭvazie ŭkrainki, jakija źjechali ŭ pieršuju čarhu ad vajny) apynulisia za miažoj, kab znajści sabie kavalera.

«Dziŭna, što za 10 miesiacaŭ ja nie čuła nivodnaj takoj historyi pra biełarusak», — dadaje Cimanoŭskaja.

Zajavy publičnaj asoby z 27 tysiačami padpisčykaŭ nie mahli nie zastacca niezaŭvažanymi. Ich padchapili šmatlikija telehram-kanały, u tym liku tyja, na jakich padpisanyja kala miljona čałaviek.

Na biełarusku abrynułasia chvala chejtu z pahrozami fizičnaj raspravy, z-za jakoj jana była vymušanaja zakryć svoj instahram i źmianić avatarku. Pa słovach spartsmienki, jaje słova pierakrucili.

U žniŭni minułaha hoda Cimanoŭskaja aburyłasia, što jaje pastavili biehčy ŭ estafiecie 4 pa 400 mietraŭ, chacia jaje profil — karotkija dystancyi.

«Pavier, ja nie svaju dupu ratuju». Pahladzicie, jak funkcyjaniery ŭhavorvali biełarusaŭ źmirycca i nie vysoŭvacca

Čynoŭniki i treniery chacieli zamiać skandał i ŭcichuju adpravić biahuchu dadomu. Ale, dziakujučy rozhałasu i suśvietnaj padtrymcy, hetaha ŭdałosia paźbiehnuć. Paśla Cimanoŭskaja apynułasia ŭ Polščy.

Tam dziaŭčyna stała zdymać tyktoki, u jakich śmiajałasia ź jabaciek i iranizavała nad svaim raptoŭnym adjezdam ź Biełarusi. Jany šmat abmiarkoŭvalisia ŭ sacsietkach i padabalisia daloka nie ŭsim.

Tyktoki, darečy, ciapier niedastupnyja.

«Lepšaje, što ty možaš zrabić u Biełarusi, — heta źjechać ź jaje». Cimanoŭskaja pra kryndž u Tyktoku, biznes i «raspakoŭku asoby»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?