Fota: pixabay.com
Navukoŭcy z NASA śćviardžajuć, što jany znajšli na pavierchni Miesiaca niekalki cianistych i ŭkrytych miescaŭ, dzie tempieratura pastajanna trymajecca ŭ rajonie 17 hradusaŭ Celsija. Jany miarkujuć, što hetyja zahłybleńni ŭ miesiačanj pavierchni, jak i vialikija piačory, kudy jany mohuć vieści, mahli b być zručnymi miescami dla bazavych łahieraŭ pasialencaŭ ź Ziamli, piša The Times.
Jamy, pra jakija idzie razmova, upieršyniu byli adkrytyja ŭ 2009 hodzie. Heta kruhłyja pahłybleńni, niekatoryja ź ich pamieram z futbolnaje pole. Z momantu ich adkryćcia navukoŭcy vykazvajuć zdahadku, što takija jamy mohuć vieści da piačor, jakija možna daśledavać abo vykarystoŭvać u jakaści schoviščaŭ.
Pakazalna, što tempieratura ŭ hetych jamach stabilnaja i kamfortnaja dla čałavieka. Heta vyhadna adroźnivaje ich ad bolš adkrytych učastkaŭ miesiačnaj pavierchni, bo ŭdzień tempieratura na ich možna składać 130 hradusaŭ, a nočču — prykładna minus 180 hradusaŭ.
Kab vyśvietlić tempieraturu ŭ jamach, navukoŭcy z NASA vykarystoŭvali abstalavańnie z aŭtamatyčnaj mižpłanietnaj stancyi Lunar Reconnaissance Orbiter. Jany ličać, što kali piačory ŭ miesiačnaj pavierchni pačynajucca adrazu pad jamami, tempieratura ŭ ich budzie takoj ža kamfortnaj, jak i ŭ samich zahłybleńniach.
Budaŭnictva baz u takich učastkach pavierchni moža dazvolić navukoŭcam nie marnavać čas na toje, kab raspracoŭvać chitryja sposaby padtrymlivać ustojlivy tempieraturny režym na miesiačnaj bazie. Zamiest hetaha navukoŭcy mahli b zaniacca vyroščvańniem ježy, zabieśpiačeńniem kasmanaŭtaŭ kisłarodam, zboram resursaŭ dla ekśpierymientaŭ i pašyreńniem bazy. Jamy i piačory taksama dapamahli b abaranicca ad kaśmičnaha apramieńvańnia, soniečnaj radyjacyi i mietearytaŭ.
Brytancy stvaryli recept bietonu dla pracy na inšych płanietach. U jaho składzie — kaśmičny pył, a taksama kroŭ, pot i ślozy astranaŭtaŭ (heta nie žart)
Na Miesiacy znajšli piačoru daŭžynioj 50 km, u jakoj možna budzie zasnavać bazu
