Žančynu abvinavacili pa troch artykułach Kryminalnaha kodeksa
— č. 1 art. 368 (abraza Łukašenki);
— č. 2 art. 367 (paklop u dačynieńni da Łukašenki);
— art. 369 (źniavaha pradstaŭnika ŭłady).
Padrabiaznaści kryminalnaha pracesu z-za jaho zakrytaści pakul nieviadomyja. Viadoma tolki, što da prysudu žančyna znachodziłasia pad padpiskaj ab niavyjeździe i naležnych pavodzinach.
Sudździa Volha Sierakova, jakaja raniej nieadnarazova vynosiła palityčna matyvavanyja prysudy, vyrašyła pakarać piensijanierku pazbaŭleńniem voli na 3 hady i 6 miesiacaŭ u kałonii ahulnaha režymu, paviedamlaje «Viasna».
