Pavodle rasparadžeńnia ŭrada, horad pavinien byŭ zakupić pažarnyja mašyny ŭ Biełarusi za košt srodkaŭ miascovych orhanaŭ ułady. Adnak čalcy rady zajavili, što pažarny transpart nie źjaŭlajecca dla miascovych pryjarytetam. Zamiest hetaha jany buduć vykarystoŭvać srodki dla vyrašeńnia inšych nadzionnych prablem, takich jak adnaŭleńnie infrastruktury horada, jakaja rujnujecca.
Ministerstva pa spravach miascovaha samakiravańnia Zimbabve zajaviła ab zakupcy 70 adzinak pažarnaj techniki ŭ Biełarusi na sumu 32 młn dołaraŭ.
Mašyny płanavałasia kupić u kampanii, jakoj vałodaje Alaksandr Zinhman, hanarovy konsuł Zimbabve ŭ Biełarusi.
Ministerstva chacieła, kab pakupku prafinansavali miascovyja saviety. Košt adnoj mašyny byŭ acenieny ŭ 464 tysiačy dalaraŭ (u Biełarusi anałahičnyja aŭtamabili, miarkujučy pa sajcie dziaržzakupak, aceńvajucca ŭ sumu kala 100 tysiač dołaraŭ). Krytyki nazyvajuć hetuju canu zavyšanaj i abvinavačvajuć ministra pa spravach miascovaha samakiravańnia ŭ sprobie abyści sistemu publičnych tarhoŭ.
U lipieni paviedamlałasia, što zimbabvijskija parłamientaryi ad apazicyi i kirujučaj partyi asudzili ździełku ŭrada pa zakupcy pažarnych mašyn u Biełarusi.
