Źbiehli ad represij
Dla Michaiła heta nie pieršaja tatuiroŭka na pratesnuju biełaruskuju tematyku. Jašče ŭ Biełarusi ŭ 2020 hodzie jon nabiŭ sabie «Pahoniu» i kryłataha husara. Kaža, što takim čynam pakazvaŭ svaju baraćbu z Łukašenkam. Razam ź siamjoj mužčyna źjechaŭ ź Biełarusi ŭ 2021 hodzie, dla pierajezdu abraŭ polski Urocłaŭ.
— Niekalki razoŭ prychodzili z KHB na pradpryjemstva i šukali mianie. Siadzieć i čakać pakul za mnoj pryjduć čarhovy raz, my nie stali i vyjechali, — raspaviadaje MOST Michaił.
Zacikaviŭ malunak
Na adnoj z antyvajennych akcyj va Urocłavie Michaił paznajomiŭsia ź biełaruskaj Maryjaj Babaryka, jakaja trymała transparant z namalavanym partretam zahinułaha va Ukrainie dobraachvotnika ź Biełarusi «Bresta». Michaiła zacikaviŭ malunak.
— Jon padyšoŭ, skazaŭ, što choča zrabić zdymak, kab zrabić tatuiroŭku. Ja i skazała, što jak raz ja tatuiroŭščyca. Tak usio i atrymałasia. Ja raniej rabiła partrety ludziej, jakija zahinuli. Ich nie viedała, Ich historyi čuła tolki na sieansach, dla mianie heta nie adhukałasia ŭ dušy. A tut ja hladzieła videa ź Ivanam «Brestam», hanaryłasia. Tamu heta było važna dla mianie taksama. Hetaja tematyka vielmi blizkaja dla mianie, mienavita ŭ jaje chaciełasia by svaje viedy i dośvied kinuć. Tvorčaściu padtrymlivać.
«Brest» uvasablaje biełaruskaha hieroja
Michaił kaža, što dla jaho tatuiroŭka — heta svojeasablivaja baraćba z režymam Łukašenki. Robić ich na ciele, kab ludzi bačyli, što baraćba praciahvajecca, i razumieli, što biełarusy nie škadujuć svajho žyćcia dziela budučyni svabodnaj Biełarusi. Michaił chacieŭ by pajechać dapamahać va Ukrainu biełaruskim dobraachvotnikam, ale nie moža pakinuć siamju ŭ Polščy. Jon ich vyviez ź Biełarusi nie dla taho, kab kinuć u čužoj krainie.
— My dapamahajem i zmahajemsia inšymi sposabami. Ludzi na vulicy paznajuć «Bresta» i adznačajuć važnaść tatu. U mnohich siabry, braty i tavaryšy zaraz vajujuć u biełaruskim pałku Kalinoŭskaha va Ukrainie. Chtości byŭ znajomy z zahinułymi bajcami. Apošni raz na maršy dziaŭčyna raspłakałasia, kali ŭbačyła maju tatuiroŭku: «Brest» byŭ jaje znajomym. Žančyny realna płačuć, a chłopcy reśpiektujuć i dziakujuć za toje, što zadaju ton. My ź siamjoj zaraz žyviom va Urocłavie, u nas u domie ŭžo 90 biełarusaŭ — i heta nie ličym dziaciej. Ja chaču, kab ludzi bačyli hieroja i nie zabyvali, razumieli, što jany za nas pajšli na vajnu. Zahinuły kamandzir «Brest» — jon i ŭvasablaje biełaruskaha hieroja.
Ivan «Brest» Marčuk — kamandzir bataljona «Vołat» z pałka imia Kastusia Kalinoŭskaha, jaki vajuje va Ukrainie suprać rasijskaj ahresii. U 19 hod akazaŭsia ŭ francuzskim Zamiežnym lehijonie. Z 2015 hoda znachodziŭsia ŭ zonie antyterarystyčnaj apieracyi va Ukrainie. 26 červienia zahinuŭ u bajach pad Lisičanskam.
«My idziom za «Brestam»
Z pačatkam poŭnamaštabnaj vajny va Ukrainie stvaralnica prajekta «Biełaruś na ciele», žurnalistka Jaŭhienija Doŭhaja stała raskazvać historyi biełarusaŭ, jakija robiać antyvajennyja tatuiroŭki. Raniej u prajekcie biełarusy pakazvali svaje tatuiroŭki, jakija nabivali paśla prezidenckich vybaraŭ u Biełarusi ŭ 2020 hodzie.
Na pačatkovym etapie vajny byli papularnyja tatuiroŭki, źviazanyja z «russkim vojennym korablom» i nakirunkam, kudy jamu prapanoŭvali pajści. Ale za niekalki miesiacaŭ vajny biełarusy radziej stali rabić antyvajennyja tatuiroŭki.
— Aścierahajucca. Ale voś chłopcy z pałka Kalinoŭskaha da śmierci «Bresta» nabili sabie šaŭron ich roty z roznymi nadpisami. Siem čałaviek. I adzin ź ich Vasil Hrudovik — u jaho byŭ nadpis «My idziom za Brestam», — raskazała MOST Jaŭhienija.
tatuchi (kruhłyja, niby miedali) na hrudziach jaho, heta, kab nie źviartali ŭvahi, što cycki-to ŭ jaho žanočyja.. hetaksama i vyjava na ruce.. kab źviartali ŭvahu na tatuchu, a nie na toje, što muskułaŭ u jahonaj ruce niama