Žurnalist Dzianis Ivašyn i jaho maci Ludmiła Ivašyna
«Blizka ja jaho nie bačyła — zdalok. Vyhladaŭ akuratnym, paholenym, navat mnie nie padałosia, što jon schudnieŭ. Na majo ździŭleńnie, zaŭvažnych źmienaŭ ja nie ŭbačyła. Trymajecca spakojna, upeŭniena, hodna», — raskazała Ludmiła Ivašyna.
Dzianis byŭ u čornaj majcy z nadpisam «Jaśka Haspadar, 1863», a na śpinie — «Kalinouski, 1863». U zału jaho zavodzili dvoje milicyjantaŭ u maskach, što amal całkam zakryvali tvary.
Padtrymać žurnalista pad budynak suda pryjšła maci abvinavačanaha, a taksama dypłamaty Vialikabrytanii, Čechii, Aŭstryi. Ich na sud nie puścili. Adnak kala budynka suda da ich dačapilisia supracoŭniki dziaržaŭnych vydańniaŭ.
Dypłamaty vietliva admaŭlalisia ad kamientaryjaŭ. Adnak zdymačnaja hrupa pajšła za imi ažno ŭ kaviarniu na abied i sprabavała zaniać miescy za stałom razam z pradstaŭnikami dypmisij, kab zapisać ich adkazy na kamieru.
Spravu Dzianisa Ivašyna razhladaje Valeryj Ramanoŭski, praces zakryty praz «razhlad dziaržaŭnych tajamnic».
Siońnia pasiadžeńniaŭ niama, bo Dzianis chadajničaŭ ab pierapynku ŭ pracesie praz kiepskaje samaadčuvańnie. Nastupnaje pasiadžeńnie zapłanavanaje na 17 žniŭnia.
Sudovy praces nad Ivašynym pačaŭsia 15 žniŭnia ŭ budynku Horadzienskaha abłasnoha sudu. Blizkija zahadzia viedali, što jon budzie zakrytym praz «razhlad dziaržaŭnych tajamnic».
Ivašyna vinavaciać va «ŭmiašańni ŭ dziejnaść milicyjantaŭ» i ŭ «zdradzie dziaržavie». Detali spraŭ nieviadomyja.
Čytajcie taksama:
«Ja chaču pasłać usich za ruskim karablom». Tak adkazała maci Dzianisa Ivašyna na pytańnie prapahandystki, čamu jana pryjšła na sud nad synam
U siužecie pa BT pakazali palitźniavolenaha Dzianisa Ivašyna
U Hrodnie pačynajecca sud nad žurnalistam Dzianisam Ivašynym
