Fota: sacsietki
Heta 29-hadovaja Natalla Łašč.
Dziaŭčyna skončyła jurfak BDU ŭ 2015 hodzie i, miarkujučy pa ŭsim, pa raźmierkavańni pajšła pracavać u prakuraturu Frunzienskaha rajona horada Minska. Dasłužyłasia tam da pasady starejšaj pamočnicy prakurora. Pracavała jana tam da kastryčnika 2019 hoda.
Nastupnaja viadomaja jaje praca — HR-śpiecyjalist u ajcišnaj kampanii, ź lutaha 2021 hoda. Praŭda, miarkujučy pa profili Linkedin, jana zvolniłasia adtul u červieni 2021.
Dziaŭčyna lubić padarožničać. U sacsietkach jana piša, što naviedała 18 krainaŭ.
Dziaŭčyna ŭ Vienie. Fota: sacsietki
Siłaviki śćviardžajuć, što suprać jaje zaviedzienaja kryminalnaja sprava pa artykule 130 KK RB «Raspalvańnie varožaści i varažniečy». Takim čynam, joj moža pahražać da 12 hadoŭ źniavoleńnia.
