Kanstancin Burykin u 1990-ja i 2000-ja byŭ idejnym nacystam, jon navat lustru ŭ kvatery zrabiŭ u vyhladzie svastyki i zamaŭlaŭ siamiejnyja partrety ŭ formie SS.

Heta nie pieraškodziła jamu stać śviatarom pravasłaŭnaha prychodu ŭ Hatavie.

Paśla zahavaryła jaho rodnaja dačka Alaksandra — jana raskazała, jak baćka jaje biŭ, pryvučaŭ da fałaimitataraŭ jaje i małodšuju siastru, a potym pačaŭ hvałcić sam. 

«Ja chacieła jaho zabić», — kazała nam Alaksandra. 

Čytajcie taksama: «Raskazała tolki mamie, na jaje mahile»: žudasnaja spoviedź dački «baciuški sa svastykaj» pra toje, što jon rabiŭ ź joj

U 2016-m Burykin atrymaŭ try hady pazbaŭleńnia voli za niekalki znojdzienych doma ržavych patronaŭ. Kułuarna ličyłasia, što patrony stali prosta nahodaj dla pasadki. 

Jak hramadzianina Rasii, pa vychadzie z kałonii ŭ 2019-m Burykina departavali ŭ Rasiju. Tam, u Sierhijevym Pasadzie, jon žyvie i ciapier, zabraŭšy z saboj dziaciej i druhuju žonku. 

Jahonaja dačka Alaksandra tady kazała, što baicca jaho viartańnia ŭ Biełaruś, kab zabić jaje za jaje słovy. 

Ale, choć i vyhladaje fantastyčna, Alaksandra Burykina pamiryłasia sa svaim baćkam. 

Ciapier jon užo nie vyhladaje jak brutalny siabra RNIE — Burykin schudnieŭ, nosić akulary. 

U svaich sacyjalnych sietkach i jon i Alaksandra miesiac tamu pachvalilisia, što «siamja narešcie razam». 

Alaksandra pryviezła da jaho svajho syna. 

Taksama jana apublikavała fota z mačychaj — sa słovaŭ Alaksandry, jana była vymušanaja zajmacca ź joj seksam, pakul Burykin, hledziačy na heta, zadavolvaŭ siabie sam.

«Mnie soramna było raskazvać navat supracoŭnikam… ale jon prymusiŭ zaniacca hetym i z Volhaj. Ja tak i zrabiła, jak jon kazaŭ. Ale heta byŭ adzinkavy epizod ź joj, bolš takoha nie paŭtarałasia. Ja tady dumała, što jana taksama nie maje vybaru. Jon nie ŭdzielničaŭ, tolki lažaŭ hoły pobač i hladzieŭ», — pryznavałasia jana žurnalistu.

Čamu Alaksandra vyrašyła daravać, nieviadoma. Na pytańnie žurnalistaŭ jana adkazała «Da pabačeńnia». 

Čytajcie taksama: «Kali jon biŭ unučku, ja išła ŭ vannu, kab nie čuć». Ci padazravała ciešča «baciuški sa svastykaj» pra seksualny hvałt?

Клас
2
Панылы сорам
76
Ха-ха
3
Ого
6
Сумна
3
Абуральна
6