Padpisčyki, jakija płaciać 4,99 dalara za miesiac za Twitter Blue, taksama zmohuć redahavać svaje adkazy «niekalki razoŭ» na praciahu 30 chvilin paśla publikacyi, havorycca ŭ paviedamleńni tvitara ŭ błohu. Funkcyju ŭžo pačali testavać, zapuścić jaje płanujecca da kanca vieraśnia.
Dahetul pasty ŭ sacsietcy Twitter redahavać było niemahčyma, ich možna było tolki vydalać. Ale ŭviadzieńnie hetaj funkcyi było adnoj z najčaściejšych prośbaŭ, jakija pastupali ad karystalnikaŭ.
Dla redahavańnia tvitaŭ budzie niekalki abmiežavańniaŭ:
- źmianiać tvit možna budzie tolki niekalki razoŭ na praciahu 30 chvilin paśla publikacyi;
- adredahavanyja pasty buduć paznačacca śpiecyjalnaj ikonkaj z ukazańniem času;
- historyja minułych viersij tvita budzie dastupnaja dla ŭsich.
