Poł Kruhman (levaruč) i Čarli Stros. Fota: Cory Doctorow/flickr.com

Poł Kruhman (levaruč) i Čarli Stros. Fota: Cory Doctorow/flickr.com

Na praciahu mnohich hadoŭ łaŭreat Nobieleŭskaj premii, ekanamist i ahladalnik New York Times krytykavaŭ kryptaindustryju za toje, što jana daje mahčymaści złačyncam, uskładniaje tranzakcyi, upłyvaje na ŭnušalnych ludziej i pracuje jak finansavaja piramida.

Voś dvanaccać najlepšych cytat Kruhmana pra kryptavaluty za apošniaje dziesiacihodździe:

1. «Ludzi dumajuć, što heta razumna, i navat ultrasučasna, stvaryć niešta kštałtu virtualnaj valuty, stvareńnie jakoj patrabuje marnavańnia realnych resursaŭ takim sposabam, jaki Adam Śmit paličyŭ durnym i sastarełym u 1776 hodzie». («Adam Śmit nienavidzić bitkoin») (12 krasavika 2013 hoda)

2. «Kab być paśpiachovymi, hrošy pavinny być adnačasova srodkam abmienu i dosyć stabilnym schoviščam vartaści. I zastajecca zusim niezrazumiełym, čamu bitkoin pavinien być stabilnym schoviščam vartaści». («Bitkoin — heta zło») (28 śniežnia 2013 hoda)

3. «Entuzijazm z nahody kryptavalutaŭ zdajecca vielmi dziŭnym, bo jon idzie prosta procilehła doŭhaterminovaj tendencyi. Zamiest praktyčna bieśpieraškodnych tranzakcyjaŭ my majem vysokija vydatki viadzieńnia biznesu, bo pieravod bitkoina abo inšaj kryptavaluty patrabuje apracoŭki poŭnaj historyi minułych tranzakcyj. Zamiest hrošaj, stvoranych adnym klikam myšy, my majem hrošy, jakija treba zdabyvać i stvarać z dapamohaj resursajomistych vyličeńniaŭ». («Tranzakcyjnyja vydatki i pryviazki: čamu ja kryptaskieptyk») (31 lipienia 2018 hoda)

4. «U kryptavalut niama nijakaj padtrymki, nijakaj pryviazki da realnaści. Ich košt całkam zaležyć ad samarealizujemych čakańniaŭ, a heta značyć, što poŭny krach źjaŭlajecca realnaj mahčymaściu. Kali b śpiekulanty adčuli kalektyŭny sumnieŭ, raptam spałochaŭšysia, što bitkoiny ničoha nie vartyja, što ž, bitkoiny stali b ničoha nie vartyja». («Tranzakcyjnyja vydatki i pryviazki: čamu ja kryptaskieptyk») (31 lipienia 2018 hoda)

5. «Mahčyma, isnuje patencyjnaja raŭnavaha, pry jakoj bitkoin (choć amal napeŭna heta nie datyčycca inšych kryptavalut) zastajecca ŭ vykarystańni ŭ asnoŭnym dla tranzakcyj na «čornym» rynku i ŭchileńnia ad padatkaŭ. Ale da hetaj raŭnavahi, kali jana isnuje, budzie ciažka dajści: jak tolki mara pra błakčejn-budučyniu pamre, rasčaravańnie, imavierna, abrynie ŭsiu spravu».(«Tranzakcyjnyja vydatki i pryviazki: čamu ja kryptaskieptyk») (31 lipienia 2018 hoda)

6. «Kryptavalutu efiektyŭna rekłamujuć: u joj atrymlivajecca pryciahvać futurystaŭ i hrać na strachach retrahradnych «Skrudžaŭ Makdakaŭ» pra toje, što ŭrad spalić vašy źbieražeńni, a niekali vielizarnyja dachody pryciahnuli inviestaraŭ, jakija turbujucca pra toje, što jany prapuściać vyhadu. Takim čynam, kryptavaluty stali bujnym kłasam aktyvaŭ, choć nichto nie moža ŭciamna patłumačyć, dla jakoj zakonnaj mety jany patrebnyja». («Jak kryptavaluty stali novaj ipatekaj») (27 studzienia 2022 hoda)

7. «Ja baču niazručnyja paraleli z kryzisam kredytavańnia nulavych hadoŭ (u ZŠA). Nie, kryptavaluty nie pahražajuć finansavaj sistemie — ich vartaść niedastatkova vialikaja dla hetaha. Ale źjaŭlajecca ŭsio bolš dokazaŭ taho, što ryzyki kryptavalut niepraparcyjna vysokija dla ludziej, jakija nie viedajuć, u što jany ŭviazvajucca, i drenna padrychtavanyja da taho, kab spravicca ź niehatyŭnymi nastupstvami». («Jak kryptavaluty stali novaj ipatekaj») (27 studzienia 2022 hoda)

8. «Bitkoin hulaje na fantazii pra samadastatkovy indyvidualizm, pra abaronu svajoj siamji z dapamohaj vintoŭki, lačeńnie kavida antyparazitarnym preparatam abo mačoj i kiravańni svaimi finansavymi spravami z dapamohaj stvoranych pryvatna hrošaj, niezaplamlenych takimi instytutami, jak urady ci banki». («Zbroja, mikroby, bitkoin i antysacyjalnyja pravyja») (31 studzienia 2022 hoda)

9. «Kryptavaluty nie adyhryvajuć amal nijakaj roli ŭ ekanamičnych apieracyjach, akramia śpiekulacyj na samich kryptavalutnych rynkach. I kali vaš adkaz — «dajcie jamu čas», vam varta pamiatać, što bitkoin isnuje z 2009 hoda, što robić jaho staražytnym pa technałahičnych standartach. Apple pradstaviła iPad u 2010 hodzie». («Źniščeńnie kryptavalutaŭ: hetym razam pa-inšamu?») (17 traŭnia 2022 hoda)

10. «Kali vy, jak i ja, vierycie, što kryptavaluty — heta amal što piramida, to, mahčyma, ciapier akurat toj momant, kali skončylisia durni, hatovyja ŭ jaje ŭkładacca». («Mudrahielista: ci nie musiŭ być bitkoin abaronaj ad inflacyi?») (17 červienia 2022 hoda)

11. «Džym Čanas nazvaŭ kryptavalutu «śmietnikam dla drapiežnikaŭ». Ja b nie staŭ zachodzić tak daloka. Ale ŭvohule, kali trochu padumać, to jon maje racyju». («Mudrahielista: ci nie musiŭ być bitkoin abaronaj ad inflacyi?») (17 červienia 2022 hoda)

12. «Z majho punktu hledžańnia, kryptavaluty pieratvarylisia ŭ svajho kštałtu postmadernisckuju finansavuju piramidu. Industryja zavablivała inviestaraŭ spałučeńniem technahrošaj i libiertaryjanskaj łuchty. Jana vykarystała častku hetaj hrašovaj płyni, kab kupić iluziju reśpiektabielnaści, što pryciahnuła jašče bolš inviestaraŭ. I na niejki čas, navat niahledziačy na množańnie ryzykaŭ, kryptavaluta stała, pa sutnaści, zanadta vialikaj, kab jaje rehulavać». («Kryptavaluty padajuć. Dzie ž byli rehulatary?») (11 lipienia 2022 hoda)

Čytajcie jašče:

100 miljardaŭ dalaraŭ reziervaŭ Rasii apynulisia ŭ kitajskim «kapkanie»

Baćka sfatahrafavaŭ hienitalii syna pa prośbie doktara. Heta skončyłasia dla jaho kašmaram

Prahramy dla adsočvańnia mienstrualnych cykłaŭ mohuć pradavać vašy danyja i navat pieradać ich siłavikam

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?