Kałaž: velobrooklyn.com
Premjer-ministarka Liz Tras pryznačyła ministram finansaŭ Vialikabrytanii Kvasi Kvartenha, baćki jakoha pryjechali z Hany ŭ 1960-ch hadach.
Džejms Klevierli staŭ pieršym čarnaskurym ministram zamiežnych spraŭ. Maci novaha kiraŭnika MZS Vialikabrytanii rodam sa Śjera-Leone, a baćka — bieły. Klevierli raniej kazaŭ pra toje, što ź jaho ździekavalisia, kali jon byŭ dziciom.
Ministram unutranych spraŭ stała Sueła Bravierman, čyje baćki pryjechali ŭ Vialikabrytaniju z Kienii i Maŭrykija 60 hadoŭ tamu.
Na praciahu mnohich dziesiacihodździaŭ brytanski ŭrad składaŭsia ŭ asnoŭnym ź biełych mužčyn. Tolki 20 hadoŭ tamu, u 2002 hodzie, čarnaskury brytaniec staŭ členam Kabinieta ministraŭ — Poł Baatenh byŭ pryznačany hałoŭnym sakratarom kaznačejstva.
«Temp zadaje palityka. Ciapier my stavimsia da hetaj raznastajnaści jak da narmalnaj źjavy», — prakamientavaŭ situacyju Sander Katvała, dyrektar niezaležnaha analityčnaha centra British Future, jaki zajmajecca pytańniami mihracyi i identyčnaści. Pry hetym jon pryznaŭ, što «temp źmienaŭ — niezvyčajna chutki».
