Jaho abvinavacili ŭ raźmiaščeńni 21 lutaha ŭ th-čacie «Realnaja Biełaruś» vyjavy sa svastykaj u karykaturnaj formie. Pratakoł pavodle art. 19.10 KaAP byŭ składzieny na ksiandza, pakul toj znachodziŭsia za kratami pa inšym administracyjnym pratakole. 

Sudździa Andrej Andrušenka začytaŭ danyja Pamiežnaha kamiteta: «Vaščuk u piešym paradku syšoŭ u Litvu 15 žniŭnia». Tamu spravu Vaščuka razhladali bieź jaho ŭdziełu. U vyniku sud pakaraŭ śviatara štrafam u pamiery 320 rubloŭ.

Nahadajem, Vaščuk byŭ zatrymany HUBAZiKam 15 lipienia. Praz try dni nad im adbyŭsia pieršy sud pa art. 24.23 KaAP, a 20 lipienia — druhi, ale pa art. 19.11 KaAP. Vynikam stali 30 sutak aryštu. Paśla vyzvaleńnia ksiondz pakinuŭ Biełaruś. Paviedamlajecca, što ŭ kaściole Śviatoha Ducha byŭ praviedzieny pieratrus.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?