Chramavy kompleks moža źjavicca praz darohu ad žyłoj zabudovy. Najbližejšy dom — Šuhajeva, 23/2. Ciapier tam pustka, skazana ŭ tłumačalnaj zapiscy da prajekta, paviedamlaje Onliner.by.
Ahulny płan zabudovy
Pabudujuć carkvu (jana budzie pryśviečanaja śviatoj pakutnicy Taćcianie), kaplicu z fantanam i zvanicu. Hetaja zona budzie aharodžanaja. Pry carkvie ŭładkujuć spartyŭnuju i dziciačuju placoŭki, miesca dla cichaha adpačynku — hetuju častku adkryjuć dla ŭsich. Cikava, što da cokalnaha paviercha carkvy budzie prymykać parkoŭka, jaje chočuć raźmiaścić pad centralnaj płoščaj kompleksu.
Adznačajecca, što ŭsie abjekty buduć nievysokimi. Voś asnoŭnyja paramietry: vyšynia asnoŭnaj častki chrama — 12 mietraŭ, asnoŭnaj častki zvanicy — 7,53 mietra, viežy — 16 mietraŭ.
Raspracoŭščyk prajekta — indyvidualny pradprymalnik architektar V. Arabiej.
Hramadskaje abmierkavańnie projdzie z 22 vieraśnia pa 6 kastryčnika ŭ elektronnym vyhladzie. Z materyjałami možna aznajomicca na sajcie administracyi Pieršamajskaha rajona ŭ raździele «hramadskija abmierkavańni» i ŭ viestybiuli miascovaha vykankama. Zaŭvahi i prapanovy prymajuć u piśmovaj formie da 6 kastryčnika.
U inšym miescy Uručča źjavicca jašče adna carkva. Heta sprava ŭžo vyrašanaja, hramadskaje abmierkavańnie prajšło letam. Abjekt z nazvaj «Chram Sabora Biełaruskich śviatych» źjavicca na ŭzvyššy la ofisnaha centra «Port» i pobač z mohiłkami «Uručča», u miežach praśpiekta Niezaležnaści, a taksama Łožynskaj i Šafarnianskaj vulic.
parkoŭka dla čaho? dla kalaśnic słuh božych?