U Dziarždumu Rasii ŭnieśli pakiet papravak u zakonaprajekt ab uniasieńni źmianieńniaŭ u KK, jaki byŭ pryniaty ŭ pieršym čytańni ŭ lipieni. U Kodeks prapanavali ŭvieści paniaćci «mabilizacyja», «vajennaje stanovišča» i «vajenny čas». Dakumient apublikavany ŭ elektronnaj bazie nižniaj pałaty rasijskaha parłamienta, piša RBK
«U punkcie «ł» častki pieršaj artykuła 63 słovy «va ŭmovach uzbrojenaha kanfliktu abo vajennych dziejańniaŭ» zamianić słovami «ŭ pieryjad mabilizacyi abo vajennaha stanovišča, u vajenny čas albo va ŭmovach uzbrojenaha kanfliktu abo viadzieńnia bajavych dziejańniaŭ», — skazana ŭ dakumiencie.
U artykule 63 KK pryviedzienyja abstaviny, jakija ličacca abciažarvalnymi. U punkcie «ł» u dziejučaj redakcyi takimi abstavinami ličacca «ździajśnieńnie złačynstva va ŭmovach nadzvyčajnaha stanovišča, stychijnaha ci inšaha hramadskaha biedstva, a taksama pry masavych biesparadkach, va ŭmovach uzbrojenaha kanfliktu abo vajennych dziejańniaŭ».
Akramia taho, papraŭkami ŭvodzicca niekalki novych artykułaŭ KK «dobraachvotnaja zdača ŭ pałon» (artykuł 352.1) i «maradziorstva» (artykuł 356.1).
Za zdaču ŭ pałon pahražaje ad troch da 10 hadoŭ pazbaŭleńnia voli, kali niama prykmiet dziaržaŭnaj zdrady. Za maradziorstva — až da 15 hadoŭ kałonii.
U pieraliku abciažarvalnych abstavin źjavicca ździajśnieńnie złačynstva «ŭ pieryjad mabilizacyi abo vajennaha stanovišča, u vajenny čas» (artykuł 63 KK).
